1 Sáýir 2019, 13:10 800 0 Óner Dınara MYŃJASARQYZY

Rejısserdiń eki birdeı fılmi kınofestıvalge qatysady

Qazaqstandyq rejısser túsirgen eki birdeı fılm Qazan qalasyndaǵy kınofestıvalge qatysady. Qysqametrajdy "Asan" kórkem fılmi jáne "Ata kásip" derekti fılmi ústimizdegi jyly sáýirdiń 24-30 aralyǵynda Tatarstannyń astanasynda ótetin XV halyqaralyq musylman kınosy festıvaliniń konkýrsyna qatysady, - dep habarlaıdy Tengrinews.kz tilshisi "Qazaqfılm" AQ saıtyna silteme jasap. 

QR Mádenıet jáne sport mınıstrligi tapsyrysy boıynsha Sh.Aımanov atyndaǵy "Qazaqfılm" AQ túsirilgen bul kınotýyndylar "Úzdik qysqametrajdy fılm" jáne "Úzdik derekti fılm" nomınaııalary boıynsha baq synaıdy.  Musylman kınosy festıvaliniń quryltaıshysy - Tatarstan Respýblıkasynyń mádenıet mınıstrligi. Osy mádenı is-shara Tatarstan kınematografıster odaǵy men Qazan memlekettik mádenıet ınstıtýtynyń uıymdastyrýymen ótedi. Bıyl festıvaldiń konkýrsyna túsken fılmderdi Danııa, Ońtústik Koreıa syndy 10 memlekettiń belgili kınematografısteri baǵalaıtyn bolady. "Asan" qysqametrajdy fılmi ákesin aqtyq saparǵa shyǵaryp salýǵa jolǵa shyqqan bozbala týraly baıandaıdy. Al "Ata kásip" derekti fılmi Qazaqstanda turatyn ózbek halqy týraly, onyń ishinde  Ońtústik Qazaqstan oblysynda turatyn ózbek halqynyń ókili, ata kásip - besik jasaýmen aınalysatyn 47 jastaǵy Abdımannop Zýparov esimdi sheberdiń ómirin baıandaıdy.  "Osy festıvalde meniń eki birdeı fılmderimniń kórsetiletinine qýanyshtymyn. Maǵan senip, qoldaý bildirgenderi úshin "Qazaqfılm" kınostýdııasynyń basshylyǵyna alǵysymdy aıtamyn", - dedi fılmderdiń rejısseri Berik Jahanov.

Eske salaıyq, byltyr "Asan" fılmi 71-shi halyqaralyq Kann kınofestıvaliniń Short Film Corner aıasynda (álemniń qysqametrajdy týyndylaryna arnalǵan) kórsetilgen bolatyn. Sonymen qatar 2018 jyly kartına birneshe halyqaralyq kınofestıvalderge qatysyp, kóptegen júldelerge ıe boldy, atap aıtsaq, Respýblıkalyq "Baıqońyr" festıvalinde "Úzdik akter" júldesimen, Bakýde ótken 9-shy Halyqaralyq Start film festival  kınofestıvalinde qazylar alqasynyń arnaıy júldesimen, "Úzdik qysqametrajdy fılm" nomınaııasy boıynsha "Qulager" júldesimen, Tashkentte ótken "Prolog" kınofestıvalinde arnaıy júldemen jáne Ekaterınbýrg qalasynda ótken XV Halyqaralyq "Kınoproba" kınomektebi festıvalinde qazylar alqasynyń arnaıy júldesimen marapattaldy. Al "Ata kásip" derekti fılmi de birneshe júldelerge qol jetkizgen bolatyn. Byltyr Almatyda ótken VII Halyqaralyq "Bastaý" kınofestıvalinde derekti fılm Oraz Ábishev atyndaǵy júldeni ıemdendi. Sondaı-aq Baýyrjan Nógerbektiń 70 jyldyǵyna arnaıy u ıymdastyrylǵan kınofestıvalde qazylar alqasynyń júldesimen jáne Vosmerka.kz saıtynyń arnaıy júldesimen (taqyrypqa tereń úńilip, derekti fılmderdi túsirý dástúrine bar yqylaspen berilgen úshin) marapattaldy.

Sońǵy jańalyqtar