28 Naýryz 2019, 15:45 956 0 Densaýlyq Tańsulý ALDABERGENQYZY

JASTAR JYLYNYŃ BIR SIPATY

Shymkent qalasynda joǵary bilikti maman-kadrlar daıyndaıtyn joǵary oqý oryndary jeterlik. Qaharly qystan keıin jer betin nurlandyryp, sáýlesin shasha keletin áz-Naýryz meıramynyń qarsańynda atalǵan qaladaǵy birneshe joǵary oqý oryndarynyń stýdentterimen kezdesý ótti. Elbasymyzdyń «Bolashaqqa baǵdar: Rýhanı jańǵyrý» atty maqalasynyń júıesimen bıylǵy jyldyń «Jastar jyly» atalýy da teginnen tegin bolmasa kerek.

Ótken jyldyń qarasha aıynda Qazaqstan Respýblıkasynyń Memlekettik qyzmet isteri jáne sybaılas jemqorlyqqa qarsy is-qımyl Agenttiginiń Túrkistan oblysy boıynsha departamentimen «Azamattarǵa arnalǵan úkimet» memlekettik korporaııasy Túrkistan oblysy boıynsha fılıalynyń bastamasymen Agrarlyq kolledjde «Stýdentterge qyzmet kórsetý» ortalyǵy jumys istep keledi eken. Ortalyqtyń negizgi maqsaty – ıfrlandyrý júıesimen barlyq salalardaǵy múmkindikterdi paıdalaný, jastardy ıfrlyq-elektrondy túrde qyzmet alýǵa úıretý jáne elektrondyq úkimet portalynda qyzmet alýdy jetildirý aıasynda qyryqtan astam memlekettik qyzmet kórsete alady. Sonymen qatar «ıfrly Qazaqstan» baǵdarlamasyn júzege asyrý osy ortalyqta júzege asyp keledi eken.

Kezdesýdi osy bilim oshaǵynan bastaǵandy jón sanadyq. El ekonomıkasyna qajetti tehnıkalyq jáne kásiptik bilimdi mamandardy daıarlaý máselesin qolǵa alyp, nátıjeli eńbek etip kele jatqan Túrkistan joǵary agrarlyq kolledjiniń irgetasy 1972 jyly qalanǵan. Respýblıkamyzdaǵy tehnıkalyq jáne kásiptik bilim beretin oqý oryndary arasynda bilim berý sapasy men tálim-tárbıe jaǵynan úzdik ondyqqa kirgen bul oshaqtyń tutqasyn ustap otyrǵan Gaýhar Bekbergenova da bilimdi, óz isiniń ozyq oıly mamany. Óıtkeni kolledj qabyrǵasynda bilim alatyn on eki mamandyq boıynsha myń jeti júzden astam stýdenti bar úlken ujymdy basqaryp, uıytyp otyrý da ońaý tirlik emestigi belgili. Tolyǵyraq aıtar bolsaq, 323 elektr-mehanıka, 515 zooveterınarııalyq, 497 tehnologııalyq jáne 328 stýdent agrarlyq bólimde dáris alady. Joǵary biliktiligin arttyrý maqsatynda 26 bilim alýshyny taǵy qosyńyz. Bilim berý júıesin damytý barysynda álemdik ozyq tehnologııalardy qoldana otyryp, damyǵan sheteldik oqý oryndarynyń baı tájirıbesin batyl engizip, ınnovaııalyq turǵydan qalys qalyp qoımaý máselesi de únemi nazarda ustanyp otyratyn úrdis. Sondyqtan kolledj dárishanalary men zerthanalarynda qajetti oqý-qural jabdyqtary men tehnıkalyq oqý quraldary jetkilikti jabdyqtalǵan. Oqý-tárbıelik úderisin uıymdastyrý úshin kolledjde 58 oqytý kabınetteri, 25 zerthana, 5 oqý sheberhanasy, derbes kompıýterlermen jabdyqtalǵan 4 synyp jańa oqý jylynda sońǵy jańa úlgidegi 75 kompıýtermen jáne 10 prıntermen jabdyqtaldy. Onyń barlyǵy derlik lokaldyq jelige biriktirilgen jáne ınternetke qosylǵan. 2018-2019 oqý jylynda agrotehnologııalyq, aýylsharýashylyǵyn mehanıkalandyrý jáne veterınarlyq kafedralarynda on úsh dárishana men zerthana jumys jasady.

Túrkistan joǵary agrarlyq kolledjinde elimizge belgili qoǵam qaıratkeri, «Jasyl ekonomıka», balamaly energetıka kózderi jáne TDM-2030 turaqty damýynyń nasıhattaýshysy Saltanat Raqymbekovanyń qatysýymen ashylǵan jasyl ınnovaııalar men tehnologııalardy oqytatyn resýrstyq ortalyqtyń jumysy da óz nátıjesin berýde. Bul ortalyqqa elimizdiń ekonomıka jáne ekologııa salasynda eńbegi eren, QR Prezıdenti janyndaǵy «Jasyl ekonomıkaǵa» kóshý jónindegi keńesiniń múshesi, ekonomıka ǵyymdarynyń doktory, professor Saltanat Temirqulqyzynyń esimi berilipti. Ortalyq zamanaýı jabdyqtalǵan ádistemelik talaptarǵa saı. Maqsat – bolashaq aýyl sharýashylyǵy mamandaryna «Jasyl ekonomıka» baǵyttary boıynsha bilim berý, Qazaqstan ekonomıkasy salalaryn jańǵyrtý barysynda «jasyl» standarttardy engizýge yqpal etý jáne bilim alýshylardyń halyqaralyq hám otandyq jobalardy júzege asyrýyna jol ashý. Kezdesý barysynda «Jastar» jylynyń resmı bastalýyna oraı Túrkistan joǵary agrarlyq kolledjinde «Sapaly urpaq» jobasy front-keńsesiniń nátıjeli jumystary da sóz boldy. Bilim berý salasyndaǵy sybaılas jemqorlyq deńgeıiniń qysqarýyna, bolashaq urpaqta sybaılas jemqorlyqqa qarsy oı-óristi jáne mádenıetti qalyptastyrýǵa, azamattardyń memlekettik bılik ınstıtýttaryna senimin arttyrý baǵytyndaǵy jobanyń jumys stıli de erekshe eken. «Jemqorlyqqa qarsy tehnologııalyq zerthana bolyp tabylatyn ortalyqtyń negizgi mindeti: sybaılas jemqorlyqtan azat Qazaqstanda turatyn patrıot jáne básekege qabiletti jastardy qalyptastyrý bolýy tıis», – deıdi respýblıkalyq jobalyq keńsesiniń basshysy Qaıyrdan Toqyshev myrza.

Sondaı-aq kolledjde 50 myńǵa jýyq kitap qory bar ortalyqtandyrylǵan kitaphana jumys isteıdi. Bilim ordasynyń ishindegi bilim otaýynda bolǵan kezdesý osyndaı biraz maǵlumattar berýimen qatar, ondaǵy stýdent-jastardyń búgingi kúnniń ózekti máseleleri jaıly qoıǵan suraqtarynan da Shymkent jastarynyń otanǵa, týǵan jerge degen mahabbattary sezilip turdy. Gýmanıtarlyq-rýhanı álemnen sál-pál alshaq jatqan aýylsharýashylyǵy salasynda bilim alyp júrip, osynaý mádenı-rýhanı dúnıelerden de mazmundy suraq qoıyp, muqııat tyńdaýlary janymyzdy sergitti.

Shymkent qalasy

Sońǵy jańalyqtar