27 Naýryz 2019, 17:07 847 0 Jahan TURKYSTAN.KZ

PARIJDIŃ KÓKTEMIN KÓREIIK

Qazaqstan men Franııa arasyndaǵy baılanys táýelsizdik alǵan jyldardan beri úzilgen emes. Eki eldiń alys-beris pen barys-kelisi jyl ótken saıyn artyp keledi.

Franııa álemdegi eń kóp týrıst qabyldaıtyn elderdiń kóshin bastaıtyny málim. Ótken 2018 jyldyń ózinde 90 mıllıon sheteldik azamat sán men saltanattyń otany sanalatyn Franııaǵa saparlaǵan. Jýyrda Almaty qalasyndaǵy Franııanyń Bas Konsýldyǵy men Franýz Alıansy qazaqstandyqtardy Parıj qalasyna alyp barmaq. Ol úshin 26 naýryz men 2 sáýiri aralyǵynda «Franııa Mádenıeti» atty vıktorınaǵa qatysý kerek. 5 kúnge sozylatyn sapardyń barlyq shyǵynyn demeýshiler kóteredi.

Almatydaǵy Franııanyń Bas konsýly Aleksıs Shahtahtınskıı: «Bizdiń baıqaý – bul Almatydaǵy Franýz Alıansy bazasynda ótkiziletin kóptegen is-sharalardyń biri, qazaqstandyqtardyń franýz halqynyń mádenıetin zertteýge degen qyzyǵýshylyǵyn damytý men tereńdetýdi yntalandyrýǵa arnalǵan», – dedi BAQ ókilderine arnalǵan brıfıngte.  Baıqaýǵa qatysýshylarǵa franýz tilin oqytý kýrstary, franýz bıjýterııasy syndy taǵy basqa syılyqtar qarastyrylǵan. Baıqaý jeńimpazdary saýalnamaǵa barynsha durys jaýap bergen qatysýshylar arasynda anyqtalady. Qorytyndy 2019 jyldyń 6 sáýirinde Almatydaǵy Franýz Alıansynyń @afalmaty instagram-paraqshasyndaǵy tikeleı fırde jarııalanady.

«Franııa mádenıeti» baıqaýyn uıymdastyryp jatqanymyzǵa qýanyshtymyz, mundaı mádenı sharalar bizdiń jumysymyzdyń basym baǵyttarynyń biri», – dep atap ótti Almatydaǵy Franýz Alıansynyń prezıdenti Zýlfı Jarkesheva. Atalǵa uıym 2004 jyldan beri jumys jasap keledi. Franýz tili kýrstaryn uıymdastyryp jáne frankofon kitaphanasyn qoldaý baǵytynda birqatar jumystar atqarǵan.

 

Sońǵy jańalyqtar