26 Naýryz 2019, 16:13 622 0 Jahan Nazym Toılybaeva

BTA banki Tramptyń burynǵy serigine qarsy shaǵym túsirdi

«On jyldan astam ýaqyt buryn urlandy» degen aktıvterin qaıtarýǵa kúsh salyp jatqan qazaqstandyq BTA banki AQSh-ta jańa shaǵym túsirdi, dep habarlaıdy  centralasian.org.

Bank ókilderi AQSh prezıdenti Donald Tramptyń burynǵy serikteriniń birin aıyptap, Máskeýdegi Tramp munarasynyń jobasyna urlanǵan qarjyny ınvestıııa retinde salmaq boldy deıdi.

Shaǵymda kórsetilgen azamattardyń arasynda Nıý-Iorktegi jyljymaıtyn múlik naryǵynda jumys istegen, FBI burynǵy qyzmetkeri, qurylys jobalary boıynsha buryn Tramppen áriptes bolǵan Felıks Sater de bar.

Sater 27 naýryzda AQSh-ta ókilder palatasynyń barlaý komıteti aldynda jaýap berýi tıis. Onda ol uzaq jyldar boıy Máskeýde munara salýǵa talpynǵan qazirgi AQSh prezıdenti Donald Trampqa osy iste qalaı kómekteskeni jaıly suraqtarǵa jaýap beredi.

Jańa shaǵymda bank ókilderi 2011 jyldan bastap Sater Áblıazov pen Hrapýnovqa AQSh-ta túrli iskerlik operaııalar arqyly shamamen 40 mıllıon dollar jymqyrýǵa kómektesken dep jazǵan.

«Sater Áblıazov pen Hrapýnovqa jáne ózgelerge ondaǵan mıllıon dollardy jymqyrýǵa kómektesti» delingen shaǵymda.

Onda sonymen birge urlanǵan qarjynyń bir bóligin Hrapýnovtyń ápkesi Mánhettendegi Tramp munarasynan kondomınıým satyp alý úshin jumsady dep kórsetilgen.

Shaǵymda AQSh prezıdenti Tramptyń aty atalǵanmen ol "jymqyrylǵan qarjy jaıly bildi" degen aıyp joq.

«Sater urlanǵan qarjy máselesin talqylaý úshin Tramp munarasynda Ilııas Hrapýnovpen kezdesip qana qoıǵan joq, ol sonymen birge yqtımal ınvestıııa jaıly sóılesý úshin Ilııas pen Donald Tramp arasynda jeke kezdesý uıymdastyrdy» delingen shaǵymda.

Sońǵy jańalyqtar