21 Naýryz 2019, 10:56 653 0 Nur Otan Ásel ÁNÝARBEK

Qazaq eline sińirgen eńbegi mol

Memlekettigimizdi qalyptastyryp, táýelsizdigimizdi baıandy etken, sózsiz uly tulǵa Nursultan Ábishuly mańyzdy málimdeme jasady. Kútpegen habardy kóńildegi ókinish, qımastyq, maqtanysh, qurmet pen izet  sezimderi aralas kúıde tyńdadym. Mıllıondaǵan qazaqstandyqtar dál  osyndaı kúıde ekenine senimdimin!

Qazaqstandyqtar úshin Qazaqstan men Nazarbaev sanamyzǵa egiz  uǵymdaı qalyptasyp, birlik pen tynyshtyqtyń, bereke men damýdyń  sımvolyna aınalǵan. Elbasynyń Qazaq eline sińirgen eńbegi orasan zor.  Keńes ımperııasy qıraǵan sátte el tizginin qolǵa alyp, syndarly kezeńderde  óte kúrdeli reformalarǵa bet buryp, qıyn bolsa da durys sheshimderdi qabyldap, jas memleketimizdiń qalyptasý barysynda talaı tyǵyryqtardan shyǵara bilgen danalyǵy men batyldyǵy arqasynda halyqtyń senimi men qurmetine bólendi. Elbasy ketpedi, Nursultan Ábishuly qazaqstandyqtarmen  birge elimizdiń damyp, órkendeýine álde de mańyzdy úles qosatynyna kámil  senemin! Elbasynyń ómirlik tájirıbesi, halyqaralyq abyroıy men shynaıy  patrıottyq ustanymy Qazaqstanǵa, búkil qazaqstandyqtarǵa aýadaı qajet.

Endigi jańa kezeńde álemge úlgi bolyp úlgergen birlik pen  yntymaǵymyzdy nyǵaıta otyryp, Elbasy bastaǵan damý men órkendeý jolynan taımaı, alǵa jyljý elin súıgen, el taǵdyryna alańdaǵan barsha azamattyń paryzy dep bilemin.

 

Bahadyr NARYMBETOV,

Nur Otan partııasy Shymkent qalalyq fılıaly tóraǵasynyń birinshi orynbasary

Sońǵy jańalyqtar