20 Naýryz 2019, 17:46 669 0 Qaýipsizdik Dınara MYŃJASARQYZY

Óz kásibiniń has sheberi

Óz kásibiniń has sheberleri jóninde jıi estımiz. Solardyń biri Qurlyq áskerleriniń Áskerı ınstıtýtynda jasaqtaý jáne jumyldyrý bóliminiń jumyldyrý bólimshesiniń bastyǵy maıor Aıdar Muqaıulyn  osyndaı óz isiniń sheberi dep aıtýǵa bolady.

Maıor Muqaıuly júrgen jerinde ujymnyń uıtqysy bola bilip, aldyna qoıǵan maqsatyna jetýdi prınıpke aınaldyrǵan tulǵa.

Instıtýt basshylyǵy men áriptesteri  Aıdar jaıly tek maqtaý-madaqtaý  sózder aıtady.  Óıtkeni, maıor Muqaıulynyń sóz saptasy, adammen pikir alysy, qaı taqyrypta bolmasyn birden tanylar oı tereńdigi,  bilim kókjıeginiń keńdigi, baısaldyǵymen erekshelenedi. Osy adamı qasıetterimen de ol dostary men áriptester arasynda árqashanda syıly tulǵa.

Maıor Aıdar Muqaıuly Jetisýdyń janaty Almaty oblysy Kegen aýdany Kegen aýlynda ómirge kelgen.  №2 Kegen orta mektebin 2002 jyly  úzdik baǵamen bitirip, Almaty qalasyndaǵy Qurlyq áskerleriniń Áskerı ınstıtýtyna oqýǵa tústi. Áskerı ınstıtýtyttyń kýrsanty atalǵanda Aıdardyń qýanyshy qoınyna syımaı, qatty tolqydy. Ofıer bolýdy baldyrǵan shaǵynan armandaǵan edi-ol. Áskerıler jaıly áńgimelerdi kishkentaıynan súıip tyńdaıtyn, tankıst bolsam dep armandaıtyn.

Qurlyq áskerleriniń Áskerı ınstıtýtynda  Aıdar alǵyrlardyń shebinde boldy. Jasynan zerek ósken kýrsant Muqaıuly áskerı ınstıtýtta da  óziniń bilim kókjıeginiń joǵary ekenin  kópshilikke kórsete bildi. Oqyǵan barlyq pánder boıynsha tek úzdik baǵalar aldy. Aıdar ınstıtýt qabyrǵasyndaǵy 4 jylda eń maqtaýly kýrsanttardyń shebinde boldy. Ol udaıy izdenip júretin. Osynyń nátıjesi ol atalmysh oqý ornyn úzdik aıaqtap, leıtenant shenin alyp, Qazaqstan Respýblıkasynyń Qarýly Kúshteriniń  «Shyǵys» óńirlik qolbasshylyǵyna  áskerı qyzmetin atqarý attanady. Tank vzvodynyń komandıri, tank rotasynyń komandıri laýazymdaryn abyroımen atqaryp. 2008 jyly ózi ushqan uıaǵa qaıta oralady. Qurlyq áskerleriniń Áskerı  ınstıtýtynyń oqý úderisin qamtasyz etý batalonynyń oqý jattyǵý tank rotasynyń komandıriniń qarý-jaraq jónindegi orynbasary laýazymyna taǵaıyndaldy. Osy kúnnen bastap eńbekqor Aıdar Muqaıuly boıyndaǵy kásibı bilimi men tájirbıesin bolashaq  ofıerlerge úırete bastady.

Maıor Muqaıuly árdaıym ár isti ádil sheship, namys pen jigerin qamshylaı bilgen, bilim men biliginiń arqasynda árqashan aldyńǵy shepte júretin ofıerler qatarynda. Aldyna qoıǵan maqsatynan taımaı, ózdegenine jete biledi.

- Eldi qorǵaý-abyroıly mindet. Sol abyroıly mindetti adal atqarý saıdyń tasyndaı sapqa turǵan árbir áskerı qyzmetshiniń paryzy. Áskerı qyzmet árbir azamatty áskerı-patrıottyq rýhqa, Otan aldynda boryshyn óteý sezimin qalyptastyrýǵa, ómirlik qıynshylyqtardan múdirmeı ótýge tárbıeleıdi. Men óz mamandyǵymdy sheksiz súıemin, bul árbir adamnyń mańdaıyna jazyla bermeıtin baqyt, deıdi maıor Aıdar Muqaıuly.

   Aıda Bektýrova,

Qurlyq áskerleriniń Áskerı ınstıtýtynyń

baspasóz qyzmeti,  sýret avtordiki

Sońǵy jańalyqtar