18 Naýryz 2019, 10:40 702 0 Ishki saıasat Nazym Toılybaeva

Astanada kópbalaly analardy qoldaýǵa arnalǵan 13 áleýmettik shara

Astana ákimi kópbalaly otbasylar men az qamtylǵan otbasylarǵa qoldaý kórsetý sharalaryn atap ótti, dep habarlaıdy Elorda Info.

  1. Az qamtylǵan otbasylar úshin turǵyn úı kómegi ortasha eseppen 18%-ǵa artty. 2 myń otbasy kommýnaldyq qyzmetterin tóleýge kómek alady (34 mln teńge).
  2. 18 jastan asqan múmkindigi shekteýli tulǵalardy kútýshiler tegin jolaqyymen qamtamasyz etiledi (1,3 mlrd teńge).
  3. Úıde bilim alatyn múmkindigi shekteýli balalarǵa kórsetiletin kómek 25 myń teńgege deıin (6,5 AEK-ten 10 AEK) ósti (23 mln teńge).
  4. Memlekettik áleýmettik tapsyrys aıasynda tegin tehnıkalyq jáne kásibı bilim alýǵa qoldaý kórsetiledi (2986 adamǵa 1,5 mlrd teńge bólindi).
  5. Bıýdjettik uıym qyzmetkerlerine 2 myń turǵyn úı sertıfakatyn berý úshin 2 mlrd teńge qarastyryldy.
  6. Kópbalaly otbasyynyń balalaryna, onyń ishinde mektep oqýshylary, joǵary oqý oryndary men kolledj stýdentterine tegin jolaqysy beriledi. Bul kómekti 36 myń adamdy alady. Osy qoldaýǵa bıýdjetten 208 mln teńge qarastyrylady.
  7. 1-11 synyptarda oqıtyn kópbalaly otbasynyń balalaryna mektepte tegin ystyq tamaq beriledi. Osy sanattaǵy 32 myń balaǵa 971 mln teńge bólinedi.
  8. Kópbalaly jáne turmysy tómen otbasynyń balalaryna, jetim balalarǵa arnaıy saýyqtyrý demalysy uıymdastyrylady (10 myń balaǵa 500 mln teńge bólinedi);
  9. Osy sanattaǵy otbasy balalary mektep formasymen jáne qajetti oqý qural-jabdyqtarymen tegin qamtamasyz etiledi (32 myń balaǵa 638 mln teńge bólinedi);
  10. Kópbalaly jáne turmysy tómen otbasynyń balalary, sondaı-aq, múgedek balalardyń balabaqshaǵa tegin barýyna qoldaý kórsetiledi. Osy arqyly ata-analardyń jumysqa turýyna, otbasynyń tabysyn arttyrýyna jaǵdaı jasalady. Bıýdjette 3,8 myń balany qamtý úshin 513 mln teńge qarastyrý kózdelgen.
  11. Kópbalaly otbasydan shyqqan 180 túlekke Astanadaǵy joǵary oqý oryndarynda keń taralǵan mamandyqtar boıynsha bilim alýǵa arnaıy granttar beriledi (25 mln teńge, jylyna 500 myń teńge).
  12. Kópbalaly analarǵa tis dárigeriniń qyzmeti (sanaııa, protezdeý) tegin usynylatyn bolady. Bul kómekpen 10 myń adam qamtylyp, 404 mln teńge bólinedi.
  13. Bıýdjet naqtylanǵannan keıin kópbalaly otbasylar kómir alý úshin áleýmettik kómek alýshylar sanatyna qosylady (1 000 otbasyna 26,3 mln teńge bólinedi).

«Azamattardyń ál-aýqaty men ómir súrý sapasyn arttyrý - elordanyń barlyq memlekettik organdarynyń mindeti. Sondyqtan bizge Astana qalasy ákimdiginiń halyqty áleýmettik qoldaý sharalaryn kúsheıtý jónindegi keshendi josparyn birlesip ázirleý qajet», - dedi Astana ákimi.

Sońǵy jańalyqtar