10 Naýryz 2019, 14:50 607 0 Qaýipsizdik Nazym Toılybaeva

Astanada órtke oranǵan turǵyn úıden 25 adam qutqaryldy

Astanadaǵy turǵyn úı keshenderiniń birinde órt shyǵyp, 25 adam, sonyń ishinde tórt bala qutqaryldy, dep habarlaıdy QazAqparat qalalyq TJD baspasóz qyzmetine silteme jasap.

Búgin kúndizgi 11:16-da Ortalyq órt sóndirý baılanys pýnktine Qubaıderbiuly kóshesi, 31/1 úıden órt tutanǵany týraly habar kelgen. Jeti mınýtta oqıǵa ornyna jetken órt sóndirýshiler toǵyz qabatty turǵyn úıdiń 2-qabatyndaǵy páterlerdiń birinde jatyn bólmedegi jıhaz jáne turmystyq buıymdar órtenip jatqanyn anyqtaıdy.

Jalyn 20 sharshy metr aýdandy sharpyǵan.

Qoıý tútin adamdarǵa qaýip tóndirgendikten, qutqarýshylar úı turǵyndaryn vakýaııalaýǵa sheshim qabyldaıdy. Órt sóndirýshiler avtobaspaldaq arqyly 25 adamdy, sonyń ishinde 4 balany qutqaryp, 50 adamdy, sonyń ishinde 12 balany vakýaııalaǵan.

Órt 11:33-te tolyqtaı sóndirildi.

Qazir apat sebepteri tekserilip jatyr. Órtti sóndirýge jeke quramnyń 25 qyzmetkeri jáne 7 tehnıka jumyldyrylǵan.

Sońǵy jańalyqtar