25 Aqpan 2019, 10:53 729 0 Jahan Nazym Toılybaeva

39 jylyn túrmede ótkizgen amerıkalyq aqtalyp, 21 mıllıon dollar alatyn boldy

Kalıfornııa turǵyny Kreıg Kolı (Craig Coley) túrmede ótkizgen 39 jylynyń ótemaqysy retinde jergilikti bılikten 21 mıllıon dollar alatyn boldy, dep habarlaıdy tengrinews.kz Tjournal -ke silteme jasap.

1978 jyly Kolı bir áıel men onyń tórt jastaǵy ulyn óltirdi dep aıyptalǵan. Aıyptaýshy jaqtyń basty kýágeri qaza tapqan áıeldiń kórshisi bolǵan. Ol Kolıdiń avtokóligin áıeldiń úıiniń mańynan kórgenin aıtqan. Al taǵy bir kórshisi qaıtys bolǵan áıeldiń páterinen shý estigenin málim etken.

Uzaq jyldardan keıin tergeýshiler Kreıg Kolıdiń kinásiz ekenin dáleldeıtin aıǵaqtar tapty. Qaıtys bolǵan áıeldiń tóseginen basqa er adamnyń sháýeti men teri bólshegin anyqtaǵan. Tórt jasar balanyń kıiminen de Kolıdiń DNQ-sy tabylǵan joq.

2017 jyldyń qarashasynda Kreıg 70 jasynda bostandyqqa shyqty. Gýbernator Djerrı Braýnnyń aıtýynsha, qala oǵan 21 mıllıon dollardyń 4,9-yn ǵana tóleıdi, al qalǵan qarjy basqa jerlerden túsedi, onyń ishinde saqtandyrý tólemi de bar.

Kalıfornııa basshylyǵynyń málimdesinde ótken ǵasyrda jasalǵan qateliktiń ornyn eshqandaı aqsha jýyp-shaıa almaıtyny aıtylǵan.

Sońǵy jańalyqtar