22 Aqpan 2019, 10:02 843 0 Jahan Aıaýlym SALYQJANOVA

Science Daily: Smartfonǵa qaraı berý – evolıýııanyń áseri

«Dostaryńmen nemese otbasyńmen áńgimelesip otyrǵanda da qolyńnan smartfon túspeı me? Amerıkalyq ǵalymdardyń zertteýine sensek, bul evolıýııaǵa baılanysty eken», dep jazady basylym.   Arızona ýnıversıtetindegi psıhologııa ǵylymdarynyń professory Devıd Sbarr bastaǵan bir top ǵalym smartfonnyń adamdar arasyndaǵy kommýnıkaııaǵa áserin zerttep kórgen. Ǵalymdardyń aıtýynsha, tanystarymen áńgimelesip otyrǵanda da smartfonǵa kóńil bólip, qaıta-qaıta telefonǵa qaraı berýge evolıýııanyń da áseri bar. «Adamdar basqalarmen únemi baılanysta bolǵysy keledi. Evolıýııa barysynda adam da otbasymen nemese dostarymen tyǵyz baılanysta bolýǵa tyrysady. Bul buryndary ındıvıdtiń nemese bıologııalyq túrdiń óz ózin saqtap qalýǵa talpynysynan týǵan», dep jazylǵan maqalada. Zertteý avtorlarynyń aıtýynsha, búginde smartfon adamdar arasyndaǵy udaıy baılanys quralyna aınalǵan. «Adamnyń smartfonǵa qaraı bergisi keletini mıdaǵy eski baǵdarlamalarǵa baılanysty. Bul adamnyń aman qalýǵa degen nıetiniń gende saqtalyp qalǵandyǵynyń belgisi», dep jazady avtor. Onyń aıtýynsha, smartfon men áleýmettik jeli aqparat alýǵa jáne basqalarmen baılanysta bolýǵa, aınalasyndaǵylardyń ómiri týraly bilýge múmkindik beredi. Degenmen, vırtýaldy baılanys shynaıy qarym qatynasqa nuqsan keltiretinin umitpaǵan jón», deıdi ǵalymdar.

Sońǵy jańalyqtar