20 Aqpan 2019, 16:20 627 0 Qoǵam Nazym Toılybaeva

Qazaqstanda 5G jelisi synaqtan ótkiziledi

QR Aqparat jáne kommýnıkaııalar mınıstri Dáýren Abaev 5G jelisin engizý jaıynda aıtyp berdi,  dep xabarlaıdy QazAqparat.

Mınıstrdiń aıtýynsha, búginde álem boıynsha uıaly baılanystyń jańa úlgisi - 5G jelisin engizý máselesi keńinen talqylanyp jatyr. Sonyń arqasynda fılmderdi birneshe sekýndtyń ishinde júkteýge múmkindik bar. Basqa da texnologııalardy jan-jaqty damytýǵa bolady.

«Bıyl Qazaqstanda 5G texnologııasyn synaqtan ótkizý josparlanyp otyr. Osydan keıin atalǵan jelini respýblıka boıynsha engizý merzimi anyqtalatyn bolady», - dedi D.Abaev mınıstrliktiń alqa májilisinde.

Onyń aıtýynsha, shalǵaı jatqan aýyldarǵa talshyqty-optıkalyq jeliler arqyly sapaly ınternetti tartý jumystary da jalǵasa beredi. Ótken jyly 144 myńnan astam adamdy qamtıtyn 56 aýyldy eldi meken sapaly ınternetpen qamtyldy. Negizgi maqsat - 1 249 eldimekendi keń jolaqty jelimen qamtamasyz etý. Jobany júzege asyrý barysynda 20 myń shaqyrymdy quraıtyn talshyqty-optıkalyq jeli qurylysyn salý josparlanyp otyr.

Mınıstrdiń sózine qaraǵanda, qazirgi júıe tek áleýmettik jelilerge ǵana qatysty. Al messendjerlerge taramaıdy.

«Biz árbir telefonnyń ishine kire almaımyz», - dep atap kórsetti D.Abaev.

Sońǵy jańalyqtar