13 Aqpan 2019, 18:15 807 0 Qoǵam Nazym Toılybaeva

Elbasy «Qazaqstannyń 100 jańa esimi» jobasynyń ekinshi kezeń jeńimpazdarymen kezdesýde

Elordada Elbasy Nursultan Nazarbaevtyń «Qazaqstannyń 100 jańa esimi» jobasynyń ekinshi kezeńi jeńimpazdarymen kezdesýi bastaldy. Shara «Qazmedıa» ortalyǵynda ótip jatyr, dep habarlaıdy QazAqparat.

Esterińizge sala ketsek, «Qazaqstannyń 100 jańa esimi» jobasyna úmitkerlerden ótinim qabyldaý ótken jyldyń qyrkúıeginde bastaldy. Joba kásibı salada jetistikke jetken, dara joldary ózgege úlgi bolatyn adamdarǵa arnalǵan. Osymen ekinshi jyl uıymdastyrylyp otyrǵan jobanyń  ereksheligi - úmitker ózin usynýǵa jáne úmitkerdi uıym atynan usynýǵa múmkinshilik berildi.  Ótinimder 2018 jyldyń qazan aıynyń ortasyna deıin 100esim.el.kz saıty arqyly qabyldandy, odan ári qarasha aıy boıy onlaın daýys berý jalǵasty. Jalpy, eki jyldyń ishinde jobaǵa qatysýǵa 4 myńǵa jýyq ótinim tústi. Daýys bergenderdiń sany 100 myńnan asyp jyǵyldy.

Aıta keterligi, jobanyń birinshi kezeńinde 2 myńnan asa ótinim qabyldandy. Onyń 302-i irikteýden ótip, 102  úmitker «Qazaqstannyń 100 jańa esimi» jobasynyń jeńimpazy atandy. 2017 jyldyń 1 jeltoqsanynda olarmen Prezıdent Nursultan Nazarbaev kezdesip, qatysýshylardyń jetken jetistikterimen tanysty.

«Qazaqstannyń 100 jańa esimi» jobasynyń maqsaty - Táýelsizdik jyldarynda zamanaýı Qazaqstannyń damýyna qomaqty úles qosqan adamdardyń naqty mysalynda qoǵamda tabystylyq ıdeıalaryn, merıtokratııa, básekelestik prınıpterin, bilim jáne pragmatızm kýltyn nasıhattaý jáne damytý.

 

 

Sońǵy jańalyqtar