13 Aqpan 2019, 16:45 702 0 Ishki saıasat Nazym Toılybaeva

Kópbalaly otbasylardyń kommýnaldyq shyǵynyn qaıta qaraý kerek

Búgin Almaty qalalyq «Nur Otan» partııasy bólimshesinde kópbalaly jáne turmysy tómen otbasylardy qoldaý sharalaryna qatysty jıyn ótti, dep habarlaıdy QazAqparat.

Jıynda ákim kópbalaly analardyń kommýnaldyq qyzmet tólemderiniń ótemaqysyn ulǵaıtýdy tapsyrdy.

«Kópbalaly otbasynyń ózekti problemalarynyń biri - kommýnaldyq qyzmetke aqy tóleý. Qalada qoldaý kórsetý boıynsha túrli tólemderdiń keń aýqymy qalyptasqan. Degenmen, kópbalaly otbasylarǵa kórsetiletin túrli ótemaqylar kólemin taǵy bir qarap shyǵyp, olardyń úılerine ornatylatyn ystyq jáne sýyq sý eseptegishterge ketetin shyǵyndardy da nazarǵa alǵan jón», - dedi Baýyrjan Baıbek.

Sonymen qatar,  búgin Almaty ákimi kópbalaly otbasylarǵa zańnamalyq jáne psıhologııalyq keńester, reabılıtaııalyq kómek kórsetetin «Baqytty otbasy» ortalyǵyn qurý kerektigin aıtty. Bul - bir tereze qaǵıdasy boıynsha jumys jasaıtyn servıstik ortalyq, osy arqyly kópbalaly analar jumysqa ornalasa alady.

Budan ózge, megapolıs basshysy 4 jáne odan kóp balasy bar otbasylardyń turǵyn úı alý úshin tólenetin alǵashqy jarnasynyń tólemin sýbsıdııalaý múmkindikterin qarastyrýdy tapsyrdy.

Sońǵy jańalyqtar