11 Aqpan 2019, 16:05 533 0 Qoǵam Nazym Toılybaeva

Qaısar Janahanovqa 141 mıllıon teńge aıyppul salyndy

Astana qalasy № 2 Baıqońyr aýdandyq soty Qoǵamdyq damý mınıstrliginiń qoǵamdyq kelisim komıtetiniń basshysy Qaısar Janahanovqa qatysty qylmystyq is boıynsha sheshim shyǵardy,- dep habarlaıdy Tengrinews.kz.

Sot ony para aldy dep tanyp, jaza retinde aıyppul saldy.

"Janahanov Qaısar Qadyruly kináli dep sanaldy. Qylmystyq kodekstiń 55-babynyń 3, 4, 6-bólikterin qoldana otyryp, oǵan 141 663 610 teńge kóleminde aıyppul salynady. Oǵan ómir boıy memlekettik qyzmetke jumysqa turýǵa tyıym salynady. Osy sheshimmen Sádýaqasov Arman Elýbaıuly da qylmys jasaǵany úshin aıyptalady. Qylmystyq kodekstiń 55-babynyń 3, 4, 6-bólikterin qoldana otyryp, oǵan 57 250 000 teńge kóleminde aıyppul salynady jáne oǵan ómir boıy memlekettik qyzmetke qyzmetke turýǵa tyıym salynady", - dep málimdedi Astana sotynyń baspasóz qyzmet ókilderi. Sottyń sheshimi zańdy kúshine engen joq.

Qaısar Janahanov "Para alý" (QK-niń 366-baby 3-bóliginiń 2 jáne 4 tarmaqtary) boıynsha sottaldy. Onymen birge konomıka basqarmasynyń komıtet basshysy Arman Sádýaqasov laýazymdy qyzmetkerdiń para alýyna bolysýshylyq jasaǵany úshin jazalandy. Memlekettik aıyptaýshy jaryssóz barysynda  sottan olarǵa aıyppul salýdy jáne ómir boıy memlekettik qyzmetke jumysqa turýǵa tyıym salýdy surady. Sotaldy tergeý isi jedel tártipte ótti.

Eske salaıyq, Astanada sybaılas jemqorlyqqa qarsy qımyl-is agenttigi qoǵamdyq kelisim komıtetiniń basshysy ustalǵanyn málimdegen. Oǵan qosa, konomıka basqarmasynyń komıtet basshysynyń bolysýmen baǵynyshty uıymǵa qoldaý jasaǵany jáne qarjylandyrǵany úshin, 1,9 mıllıon teńge para aldy degen aıyp taǵylǵan.

Sońǵy jańalyqtar