11 Aqpan, 12:13 415 0 Kólik Nazym Toılybaeva

Qyzmettik kólikterdiń 97 paıyzy Qazaqstanda qurastyrylǵan

2018 jyly satyp alynǵan qyzmettik kólikterdiń 97 paıyzy Qazaqstanda qurastyrylǵan. Bul jaıynda Qazaqstannyń avtomobıl salasy kásiporyndarynyń odaǵynan málim etti, dep habarlaıdy QazAqparat.

Odaq aqparatyna sáıkes, ótken jyly memlekettik organdar men ulttyq kompanııalar 20,68 mlrd teńgege 3 315 avtomobıl satyp alǵan. Bul 2017 jylǵy kórsetkishten 27 paıyzǵa az. Memlekettik satyp alýlardyń 97 paıyzy nemese 3 216 birligi Qazaqstanda qurastyrylǵan avtomobılderge tıesili boldy. Ótken jyly 99 ǵana sheteldik kólik satyp alynǵan. Jalpy, atalǵan kezeńde shetelde shyǵarylǵan avtomobılderdi satyp alýǵa arnalǵan respýblıkalyq bıýdjet shyǵystary 2017 jylǵy 4,9m mlrd teńgeden 860 mln teńgege deıin azaıyp otyr.

2018 jyldyń qorytyndysy boıynsha memlekettik organdar men ulttyq kompanııalar arasynda Qazaqstanda shyǵarylǵan LADA 4x4 kóligi (642 kólik satyp alynǵan) zor tanymaldyqqa ıe bolyp otyr. Odan keıingi oryndarda «LADA Vesta» (208) men «Skoda Octavia» (186) kólikter tur. Munan bólek, ótken jyly memlekettik organdar men ulttyq kompanııalar 155 «Chevrolet Niva», 152 «Skoda Superb», 140 JAC S5, 138 «KIA Cerato», 132 «KIA Sorento», 110 «ÝAZ» 396295 jáne 109 «ÝAZ» 390995 kóligin satyp alǵan.

Sońǵy jańalyqtar