10 Aqpan 2019, 14:39 909 0 Qoǵam Nazym Toılybaeva

Elimizde qarbyz shyryny shyǵaryla bastaıdy

Qyzylorda oblysynyń Jańaqorǵan aýdanynda qarbyz shyryny shyǵaryla bastaıdy, dep habarlaıdy QazAqparat.

Atalmysh óndiris orny jobasyn nemis kompanııasy qarjylandyrady. Óndiris ornyna qajetti shıkizatty jergilikti sharýalar jetkizip turmaq.

«Jańaqorǵan aýdanynda bıyl qarbyz shyryny óndirisin iske qosýdy josparlap otyrmyz. Ony qarjylandyrýdy nemis kompanııasy óz mindetine aldy. Óndiris orny saǵatyna 2700 lıtr shyryn óndirmek. Elimizde mundaı kásiporyn qazir tek Almaty qalasynda bar. Onda almadan tabıǵı shyryn óndiriledi. Bizde qarbyz daqyly Jaıylma aýylynda egiledi. Bul eldimeken turǵyndary baqsha daqyldaryn óndirýge mashyqtanǵan», - dedi Jańaqorǵan aýdanynyń ákimi Ǵalym Ámireev.

Álemdik rynokta jemis-jıdek shyryndary joǵary suranysqa ıe. Ol erekshe damyp keledi jáne bolashaǵy zor kásiptiń túri sanalady. Qarbyz shyrynyn shyǵarý isi Qytaı, Túrkııa jáne Iran elderinde jaqsy jolǵa qoıylǵan.

«Aıta ketelik, nemis ınvestorlary tek óndiris orny tehnologııasyn qadaǵalaýmen aınalyspaıdy. Olar qarbyz egý isine de nazar aýdarady. Oǵan qansha sý jáne tyńaıtqysh berilýi tıis? Oǵan da nazar aýdaratyn bolady», - dedi Ǵalym Ámireev. Budan buryn Jańaqorǵanda «1 aýyl - 1 kásip» jobasy qolǵa alynǵanyn habarlaǵan edik.

Sońǵy jańalyqtar