9 Aqpan 2019, 15:46 813 0 Jańalyqtar TURKYSTAN.KZ

Talanttar tanylǵan kesh

Jýyrda Almaty qalasy Bostandyq aýdany №40 jalpy bilim beretin mektepte bastaýysh synyp oqýshylary arasynda «JAS TALANT – 2019» atty án-bı baıqaýy ótti.

Atalǵan baıqaýdy mektep dırektory Sarbagysov Asqar Temirhanulynyń qoldaýymen Elbasynyń «Uly dalanyń jeti qyry» maqalasy aıasynda bastaýysh synyp muǵalimi Jaqsylykova Ásel Berikqyzy uıymdastyrdy.

Bul baıqaýdyń maqsaty – balalar boıyndaǵy shyǵarmashylyqqa degen talpynysty arttyrý, olardyń damýyna qoldaý kórsetý, dástúrli ánimizdi dáriptep, bı óneriniń keń aýqymda órbýine at salysý, óskeleń urpaqqa rýhanı baılyǵymyzdy dáripteý, ulttyq tálim-tárbıeni jastardyń boıyna sińire otyryp, stetıkalyq sana-túısiginiń tereń qalyptasýyna, izgilik pen adamgershilikke baýlý.

Baıqaýdyń mindetteri: balalardyń boıynda mýzykalyq-stetıkalyq tárbıeni jetildirý, olardyń sheberligin shyńdaý, daryndy oqýshylardy bastaýysh synyptan anyqtaý, jastardyń ónerge degen qushtarlyǵyn arttyrý, sahna mádenıetine úıretý.

Óner baıqaýy stradalyq vokal jáne bı óneri boıynsha eki janrda ótti.

Baıqaýǵa 6-12 aralyǵyndaǵy jas ónerpazdar qatysty. «JAS TALANT - 2019» atty saıysymyzǵa «Bóbek» Ulttyq ǵylymı-praktıkalyq, bilim berý jáne saýyqtyrý ortalyǵynyń bilikti ustazdary: «Ózin-ózi taný» Adamnyń úılesimdi damý gýmanıtarlyq kolledjiniń pedagog-horeografy, «Erke-Naz» bı ansabliniń jetekshisi Karıbaeva Samal Erjanovna, pedagog-mýzykant, Respýblıkalyq deńgeıdegi merkelik sharalardyń qoıýshy rejısseri Aıdarhanbekov Eldos Alıbekovıch qazylyq etse, osy «Bóbek» Ulttyq ǵylymı-praktıkalyq, bilim berý jáne saýyqtyrý ortalyǵynyń aǵa tálimgeri Ospanov Oljas Turabaıuly men bastaýysh synyp muǵalimi Shahabaı Ulbala Muhanqyzy baıqaýdyń basty júrgizýshileri boldy.

Baıqaýdyń qorytyndysy boıynsha 6-12 jas aralyǵynda baq synaǵan úmitkerler ishinen stradalyq vokal jáne bı óneri boıynsha eki janrdyń bas júldesine ıe bolǵan daryndy oqýshylar: Qazaqstannyń halyq jazýshysy, «Áke syry», «Úlken joldyń ústinde», «Bizdiń aýyldyń qyzy», «Seniń ózeniń», «Oraldaǵy otty kún», «Ańyz ata», «Qurmanǵazy», «Kúı dastan», «Jyldar, jyldar» pomalardyń avtory Erǵalıev Hamıt aǵamyzdyń nemeresi Erǵalı Káýsar «Anashym, ana janym» ánin aıtyp bas júldeni ıelendi. Bı janry boıynsha bas júldeni óziniń úzdik «Lezgınka» bı ónerimen 1 «Á» synyp oqýshysy Serik Amandos jeńip aldy.

Baıqaýǵa qatysqan barlyq ónerpazdarǵa mektep dırektorynyń alǵys hattary tabystalyp, baǵaly syılyqtar berildi.

Shara sońynda mektep dırektory Sarbagysov Asqar Temirhanuly «JAS TALANT – 2019» atty óner baıqaýynyń uıymdastyrý sharalaryna at salysqan ata-analar qaýymyna, baıqaýdyń joǵary deńgeıde ótýine bir aı boıy kúni-túni eńbek etken bastaýysh synyp muǵalimderi Jaqsylykova Ásel Berikqyzyna, Shahabaı Ulbala Muhanqyzyna, mýzyka pániniń muǵalimi Muratov Rınat Muratulyna alǵys bildirdi.

Almaty qalasy, Bostandyq aýdany №40 jalpy bilim beretin mektep dırektorynyń tárbıe isi jónindegi orynbasary – Erboshaev Ermek

Sońǵy jańalyqtar