8 Aqpan 2019, 17:31 608 0 Jahan Ásel ÁNÝARBEK

Qulaǵyndaǵy oqpen 11 jyl ómir súrgen Harrıs

28 jasar Ulybrıtanııa turǵynynyń qulaǵynan plastık oq tabylǵan. Djeıd Harrıs qulaǵyndaǵy oqpen 11 jyl boıy ómir súrgen. Bul týraly Daily Mail basylymyna silteme jasaı otyryp Baq.kz habarlaıdy.

11 jyl boıy qulaǵynyń nashar estıtinine shaǵymdanyp júrgen Djeıd Harrıske tanystary dárigerge barýǵa keńes beredi. Ótken jyldyń shilde aıynda Harrıs oń qulaǵyna sý kirip ketýine baılanysty mamannyń tekserýinen ótedi. Dárigerler onyń sol qulaǵynan bógde zatty baıqap, ony shyǵaryp alady. Sóıtse, Djeıd Harrıstiń qulaǵyn talaı jyldar boıy plastık oq bitep kelipti.

Plastık oqty kórgen sátte osydan 11 jyl buryn úıine dostaryn shaqyryp, olarmen oıynshyq tapanshamen oq atyp oınaǵanyn eske túsirgen.  «Oqtyń biri ústelde turǵan staqanǵa tıip, odan soń meniń qulaǵyma tıgenin bilemin. Alaıda ol oq edenge qulaǵandaı bolyp kóringen. Men qulaǵymnyń aýyrǵanyn oq soqqysynan bolǵan shyǵar dep joramaldadym», – deıdi Harrıs.

Sońǵy jańalyqtar