8 Aqpan 2019, 17:09 920 0 Áleýmet Ásel ÁNÝARBEK

Jastarǵa arendalyq baspana berilmek

Respýblıkalyq mańyzy bar qalalarda (Astana, Almaty, Shymkent) jastarǵa arendalyq baspana beriledi. Bul týraly QR Qoǵamdyq mınıstri Darhan Káletaev keshegi Senatta ótken jıynda aıtty. Al búgin mınıstr jastarǵa arendalyq baspana taratý merzimin málimdedi.

Qoǵamdyq mınıstr Darhan Káletaev jastarǵa arendalyq baspana taratý tetikterin aqpan aıynyń sońyna deıin daıyndalatynyn tilge tıek etti. Dál qazirgi ýaqytta QR Indýstrııa jáne ınfraqurylymdyq damý mınıstrligimen birlesip, talqylaý jumystary júrgizilýde.

QR Qoǵamdyq damý mınıstri «Qazaqparat» agenttigine bergen suhbatynda: «Jastarǵa arnalǵan páterler bıyl taratylady. Endi, ony biz emes, jergilikti atqarýshy organdar beredi. Biz naqty talaptaryn ázirleımiz. Aǵymdaǵy jyly úsh qalaǵa, shamamen, 1 myń páter bólinedi. Bul – Prezıdenttiń tapsyrmasy. Sonda Astana, Almaty men Shymkenttiń árbireýine 300-den astam páter keledi», – dedi.

Mınıstrdiń aıtýynsha, jastarǵa beriletin arendalyq baspananyń aýdany 40-50 sharshy metr bolady. Degenmen, bıyl jastarǵa arnalǵan tıptik turǵyn úılerdi salyp bitirý múmkin emes. Sondyqtan, ákimdikter daıyn úılerdi satyp alady da, jastarǵa jalǵa beredi. «Ázirshe, arendalyq tólemniń kólemi 10-12 myń teńge bolsa eken dep otyrmyz. Bul – aldyn ala esep. Sosyn kommýnaldyq tólemder taǵy bar», – dedi Darhan Káletaev.

Aıta keteıik, mundaı arendalyq baspana 29 jasqa deıingi turaqty jumysy bar jastarǵa beriledi dep josparlanyp otyr.

Sońǵy jańalyqtar