8 Aqpan 2019, 15:44 755 0 Bıznes Dınara MYŃJASARQYZY

 «Damý» Qory qoljetimdi nesıe mehanızmin júzege asyrýǵa kiristi

Qazaqstandyq kásipkerlerge sýbsıdııa úshin 30 mlrd teńge bólindi. Bul – «Bıznestiń jol kartasy 2020» memlekettik baǵdarlamasy aıasyndaǵy «Basymdyq berilgen jobalardyń jalpyulttyq jospary» boıynsha qoljetimdi nesıe mehanızmin júzege asyrý maqsatyn kózdeıdi.

Ekinshi deńgeıli bankter Ulttyq bank pen Biryńǵaı jınaqtaýshy zeınetaqy qory esebinen 600 mlrd teńge alady. Syrttan tartylǵan jáne bankterdiń óz qarajaty kelesi baǵyttar boıynsha basymdyq berilgen jobalardy qarjylandyrýǵa baǵyttalady:

Agroónerkásip keshenindegi óńdeýge — 100 mlrd teńge;

Agroónerkásip keshenindegi óndiriske — 100 mlrd teńge;

Óńdeý ónerkásibi men qyzmet kórsetý salasy — 400 mlrd teńge.

 

Ekinshi deńgeıli bankterge qarjy salýdyń negizgi talaptary:

EDB óz kapıtalynyń mınımal shegi – kem degende 60 mlrd teńge;

Berilgen nesıeniń jalpy jalpy somasynan kem degende 17%-y ShOB jobalaryn qarjylandyrýǵa jumsalady.

Jobalardy Damý Qory arqyly sýbsıdııalaý tek óńdeý ónerkásibi men qyzmet kórsetý jáne Agroónerkásip keshenindegi óńdeý salasyndaǵy jobalarǵa ǵana qatysty.  Bul jobalar «Bıznestiń jol kartasy 2020» memlekettik baǵdarlamasynyń qazirgi kezdegi talaptaryna saı kelýi kerek.

Kásipkerlerdi qarjylandyrýdyń negizgi talaptary:

Boryshkerler nesıesiniń nomınaldy syıaqy mólsherlemesi – jylyna 15%-ǵa deıin;

Sýbsıdııa kólemi – nomınaldy syıaqy mólsherlemesiniń 7%-y;

Bir boryshkerge beriletin lımıt – sheksiz;

Investıııa úshin alynǵan nesıeni sýbsıdııalaý merzimi – 7 jylǵa deıin;

Qarajat:

- aınalym qarajatyn tolyqtyrý men ınvestıııaǵa;

- qaıta qalpyna keletin negizdegi aınalym qarajatyn tolyqtyrýǵa beriledi.

«Atalǵan Mehanızmdi júzege asyrý barysynda sýbsıdııalaý quraldaryn damytýǵa Qor 30 mlrd teńge alady. Osynyń arqasynda Qazaqstannyń óńdeý ónerkásibi jáne agroónerkásip kesheni salasyn damytyp, jańǵyrtýǵa baǵyttalǵan jobalar qarjylandyrylady», - dedi «Damý» Qorynyń Basqarma Tóraǵasy Abaı Sarqulov.

Qoljetimdi nesıe mehanızmi jeke kásipkerlik sýbektileri, onyń ishinde konomıkanyń Qazaqstan óńirleri úshin basymdyq berilgen salalaryndaǵy jobalardyń damýyna serpin beredi.

Sońǵy jańalyqtar