8 Aqpan 2019, 13:53 517 0 Aımaq TURKYSTAN.KZ

Bolmysy bólek – Beıneý aýdany

Mańǵystaý oblysynyń ákimi Eraly Toǵjanov Beıneý aýdanyna issaparmen baryp, aýdan ákiminiń esebine qatysty.

Aýdan basshysy Beıneýbek Ábilovtyń málimetine sáıkes, búginde aýdan halqy 69 myń 500 adamǵa jetken. Jańadan 3 myń 270 jumys orny ashylyp, onyń 83,9 paıyzy nemese 2 myń 743 turaqty jumys orny boldy. Ótken jylmen salystyrǵanda 933 orynǵa kóp. Jumyspen qamtý uıymdary arqyly 2 myń 058 adam turaqty jumysqa ornalasyp, 70 adam áleýmettik jumys oryndaryna jiberilip, 228 jas jastar praktıkasymen ýaqytsha jumysqa qabyldanyp, odan 92 jas turaqty jumysqa ornalasty. 582 adam aqyly qoǵamdyq jumysqa tartylǵan.

«Densaýlyq salasy boıynsha aýdanda 32 mamandyq boıynsha 120 dáriger men 493 arnaýly orta bilimdi maman jumys jasaıdy. Ortalyq aýrýhanada gemodıalız qondyrǵysy arqyly 9 naýqasqa emdeý sharalary júrzilip, ótken jyly 2 hronodıalız apparaty men rentgen apparaty, jedel járdem bólimshesine 1 sanıtarlyq avtokólik alynǵan. Bilim berý salasy boıynsha 2018 jyly 5,8 mlrd teńge qarjy bólindi. Aýdanda 2 arnaýly oqý ornynda 1 myń 189 stýdent jáne 24 bilim berý uıymynda 17 myń 707 bala oqıdy. 21 balabaqshada 2 myń 441 sábı tárbıelenip otyr. 150 oryndyq eki jekemenshik balabaqsha ashyldy. Bıylǵy jyly taǵy da 125 oryndyq eki balabaqsha ashatyn bolamyz», – dedi Ábilov.

Beıneý gımnazııasy men Beıneý lıeıinde IT kabıneti jáne Y.Altynsarın orta mektebinde robototehnıka kabıneti iske qosyldy. Mektep bitirgen 762 oqýshynyń 493 nemese 64,7 paıyzy ulttyq biryńǵaı test synaǵyn tapsyryp, ortasha baly 67,8 boldy. 22 oqýshy «Altyn belgi», 11 oqýshy «Úzdik attestat» ıe bolyp, 191 bala grantqa oqýǵa túsken.

Mádenıet pen sport boıynsha demeýshiler qarjysyna Beıneý aýylynda 160 oryndyq dene shynyqtyrý-saýyqtyrý kesheniniń qurylysy jáne jabyq basseınniń qurylys jumystary, Eset aýylynda jattyǵý zaly men Boranqul aýylynda eki sport alańynyń qurylysy iske asýda. Ortalyq stadıonǵa aǵymdaǵy jóndeý jumystary júrgizilip, ashyq muz aıdyny iske qosyldy. Sarǵa aýylynda ashyq sport alańy paıdalanýǵa berildi. Oblys boıynsha Beıneý aýdany «Sport salasyndaǵy úzdik aýdan» atandy.

Óndiris jáne kásipkerlik salasy boıynsha jyl basynan beri 466,7 myń tonna munaı men 1321,1 mln tekshe metr gaz óndirildi.Astyq termınaly Aýǵanstanǵa 136 tonna, Ózbekstanǵa 1 myń 786 tonna un ksporttap, 11 myń 775 tonna un, 4 myń 384 tonna jem óndirdi. Ótken jylmen salystyrǵanda un óndirisi 85 tonnaǵa kóp. Aýdandaǵy shaǵyn jáne orta kásipkerlik sýbektileriniń sany 2 myń 418-ge jetti. Aýdandaǵy 10 myń 598 adam osy salada jumys jasaıdy. Olar 1,1 mlrd salyq tólep, aýdandyq bıýdjettiń menshikti kirisiniń 35,3 paıyzyn qurady.

«Bıznestiń jol kartasy 2020» baǵdarlamasy boıynsha ótken jyly 51,7 mln teńgege 6 jobaǵa kepildendirý júrgizildi. «Nur kapıtal» jobasy boıynsha 362,0 mln teńgege 29 joba qoldaý tapty. Odan 6 kásipker 77,1 mln teńge nesıe aldy. Mıkrokredıttik uıymdar arqyly 98 turǵyn 392,1 mln teńgeniń nesıesin aldy. Aýyl sharaýshylyǵynyń kólemi ótken jyly 3 myń 128,0 mln teńgege jetti. Mal soıý pýnkti 312 tonna et óndirdi. Jylyjaı kesheni 20 tonna ónim, «Ǵıbrat» sharýa qojalyǵy 30 tonna qaýyn, qarbyz shyǵardy. 800 adamnan astam eńbek etetin 242 sharýa qojalyǵy tirkelgen.

Jıyn sońynda Eraly Toǵjanov aýdan basshysyna oń baǵasyn berip, birqatar tapsyrma berdi. Sonymen qatar, Beıneý aýdanyna qarasty birneshe eldi-mekendi aralap, turǵyndarmen kezdesti.

Sońǵy jańalyqtar