8 Aqpan 2019, 12:38 589 0 Óner TURKYSTAN.KZ

"Qyz ben teńiz" atty kórkem fılm jaryqqa shyqty

Astanada «Qyz ben teńiz» atty áleýmettik kórkem fılmniń tusaýkeseri ótti. QR Mádenıet jáne sport mınıstrliginiń tapsyrysy boıynsha Sh.Aımanov atyndaǵy «Qazaqfılm» AQ túsirgen fılmniń rejısserleri ári senarıı avtorlary – Muhamed Mamyrbekov jáne Ázızjan Zaırov.

Fılmde BP-men aýyratyn Ásel esimdi boıjetkenniń ómiri baıandalady. Onyń bar armany – mahabbatyn kezdestirip, otbasyn qurý.

«Múmkindigi shekteýli jandar týraly baıandaıtyn bul fılm kórermenge oı salatyn, óte kúrdeli týyndy. Múgedektigi bar jandarǵa jaǵdaı jasaý, olarǵa qoljetimdi orta qurý, qoǵamnan tys qalmaýyna jiti kóńil bólý, qoǵamnyń nazaryn múmkindigi shekteýli jandardyń máselesine kóńil aýdartý – bizdiń basty maqsatymyz! Fılmniń rejısserleri Azız Zaırov pen Muhamed Mamyrbekov qıyndyqtardan qoryqpaı, osy mańyzdy taqyrypty qozǵap, tamasha kınotýyndy túsirdi. Fılmniń túsirý tobyn búgingi alǵashqy kórsetilimmen quttyqtaımyn», – dedi QR mádenıet jáne sport mınıstri Arystanbek Muhamedıuly saltanatty tusaýkeser rásiminiń ashylýynda.

«Qyz ben teńiz» fılmi múmkindigi shekteýli jastardyń ómirin baıandaıtyn «Bezgranıchnye vozmojnostı» dılogııasynyń ekinshi bólimi. «Byt ılı ne byt» atty birinshi bólim arqyly biz BP-men aýyratyn jas jigittiń ómirin kórsetýge tyrystyq. Al osy fılmde boıjetkenniń ómirin kórsetemiz. Fılm negizine «Ardı» ońaltý ortalyǵynyń tárbıelenýshisi Dınara Sharıpovanyń ómiri alynǵan. Kartınada ol basty róldi somdaıdy. Dınara óziniń ómirge degen kózqarasymen, ómirsúıgishtigi jáne mineziniń jumsaqtyǵymen erekshelenedi. Óziniń aýrýyna qaramastan ol tolyqqandy ómir súredi. «Turan» kolledjin támamdap, Máskeýdegi «Sınergııa» ýnıversıtetinde joǵarǵy bilim alǵan. Shyǵarmashylyqqa da óte jaqyn, aıaǵymen sýretter salyp, deni saý adamdarǵa óz-ózine senýge kómektesedi. Dınaranyń sýretteri Japonııa, Anglııa, Amerıka elderiniń jeke kórmelerinde usynylǵan. Fılmde biz onyń sheksiz ishki jan dúnıesin ashyp kórsetýge tyrystyq», – dedi fılmniń rejısseri ári prodıýseri Ázızjan Zaırov.

Aıta ketsek, fılmge túskenderdiń barlyǵy derlik kásibı akterler emes, múmkindigi shekteýli adamdar (BP dıagnozy bar). Basty rólderdi «ARDI» ońaltý ortalyǵynyń oqýshylary somdaıdy. Mysaly, «Byt ılı ne byt» fılminde basty róldi somdaǵan akter, BP-men aýyratyn Tahır Omarov oınaıdy. Sondaı-aq, fılmge mır Baıǵazınniń «Tórt oqıǵa» fılminde pızodtyq róldi somdaǵan Qanaǵat Tasqaraev ta túsken. Al bas keıipkerdiń ápkesi róline teatr jáne kıno aktrısasy Gúlbahram Baıbosynova shaqyrylǵan.

«Áleýmettik fılmderdi túsirýden uqqanym, múmkindigi shekteýli jandarǵa kınematograf arqyly kelgen art-terapııanyń áseri ınklıýzıvti (barlyǵy qamtylǵan)bolatynyn túsindim. Áleýmettik baǵytta túsirilgen «Byt ılı ne byt?» jáne «Qyz ben teńiz» jobalarynan keıin bizdiń «akterlerimizdiń» qalaı ózgerip, ózderine degen senim paıda bolǵanyn baıqadym. Sonyń arqasynda qoǵam ómirine ımenbeı aralasýǵa daıyn ekenderi kórinip tur. Bul kartına arqyly biz kórermenderge tek múgedek jastardyń ǵana emes, múmkindigi shekteýli barlyq jandardyń kúndelikti problemalary týraly ashyp kórsetýge tyrystyq. Qoǵamda óz ornyn taýyp, teń múshesi bolý úshin osyndaı adamdardyń ómirimen, tynys-tirshiligimen tanysqannan keıin, kórermen olarǵa túsinistikpen qarap, tipti ózderiniń kúshine de sene alatynyna senimimiz mol», – dedi fılmniń teń rejısseri Muhamed Mamyrbekov.

Fılmniń sońynda astanalyq kórermender qol soǵyp, ystyq qoshemet kórsetti. Sondaı-aq fılmniń rejısserleri zaǵıp jandar úshin arnaıy tıfloaýdarmasy bar nusqasyn daıyndaýdy josparlap otyrǵandaryn aıtady.

Esterińizge sala ketsek, «Qyz ben teńiz» fılmi 2017 jyly kóktemde óndiriske jiberilgen bolatyn. Fılmniń negizgi túsirilimderi eki aı kóleminde Almaty qalasynda, sondaı-aq Qapshaǵaı jaǵalaýynda ótken.

Fılm týraly: Ásel esimdi boıjetken óziniń jazylmaıtyn aýrýyna qaramastan, otbasyn quryp, ana ataný úshin ómirdiń bar qıynshylyǵyna kónýge daıyn. «Arman alǵa jeteleıdi» demekshi, Ásel barlyq qıyndyqtarǵa tótep berip, jaqsylyqtan úmit úzbeıdi.

Sońǵy jańalyqtar