7 Aqpan 2019, 15:14 546 0 Qoǵam TURKYSTAN.KZ

Ultty uıystyrýǵa uıytqy bolǵan basylym

Ultymyzdyń uly perzenti, alty Alashtyń ardaqty azamaty Ahmet Baıtursynov: «Gazet – halyqtyń kózi, qulaǵy hám tili. Adamǵa kóz, qulaq, til qandaı kerek bolsa, halyqqa gazet sondaı kerek» degen ulaǵatqa aınalǵan sózi tehnologııa damyǵan jańa myńjyldyqta da máni men mańyzyn joıǵan joq. Egemendiktiń eleń-alań ýaqtysynda qazaqtyń qarymdy qalamgeri, jazýshy Qaltaı Muhamedjanovtyń uıytqy bolýymen ashylǵan «Túrkistan» gazeti zamana kóshinen qalmaı, ýaqyt aǵymymen birge damyp keledi.
Bıyl ultty uıystyrýǵa uıytqy bolǵan basylymnyń jaryq kórgenine shırek ǵasyr tolyp otyr. Barshańyzdy týysqan túrki jurtyna tanymal gazet tarıhyndaǵy ataýly datamen quttyqtaımyn!

Ulttyq basylym osy jyldar ishinde elimizde júzege asyrylyp jatqan saıası-konomıkalyq baǵyttaǵy ıgilikti isterdi jan-jaqty nasıhattap, bilim, ǵylym, rýhanı hám mádenı salalardaǵy jaǵymdy jańalyqtardy jurtshylyqpen bólisip keledi. Keleshekte de Memleket basshysy – Elbasy Nursultan Nazarbaevtyń syndarly saıasatyn kópshilik qaýymǵa shynaıy jetkizýde «Túrkistan» gazetiniń qosatyn úlesi qomaqty bolatynyna kámil senimdimin.

Táýelsizdik jylnamasyn jazyp júrgen gazette osy jyldar aralyǵynda halqymyzdyń belgili qalamgerleri men talantty jýrnalısteri qyzmet atqaryp, basylymnyń damýynda óz qoltańbalaryn qaldyrdy.
Elimizdegi joǵary pedagogıkalyq bilim berýdiń kóshbasshysy, qazynaly qarashańyraq – Qazaq ulttyq qyzdar pedagogıkalyq ýnıversıteti búginde halyqaralyq bedeldi basylymmen ózara yntymaqtastyq aıasynda birlese jumys isteýde. Gazet betinde ulaǵat uıasynda júzege asyrylyp jatqan sharalar jaıyndaǵy maqalalar, ýnıversıtet ǵalymdary men stýdentteriniń ártúrli taqyryptardy qaýzaǵan jarııalanymdary turaqty berilip keledi. Bul – ordaly oqý orny úshin de, basylym úshin de úlken mańyzǵa ıe dep oılaımyn.

Gazet ujymyn, qalyń oqyrmandy osynaı mereıli merekemen shyn júrekten quttyqtaı otyryp, barshańyzǵa zor densaýlyq, shyǵarmashylyq tabys, qajymas qaırat, mol tabys tileımin!

Gaýhar ALDAMBERGENOVA,
Qazaq ulttyq qyzdar pedagogıkalyq ýnıversıtetiniń rektory,
pedagogıka ǵylymdarynyń doktory, professor

Sońǵy jańalyqtar