7 Aqpan 2019, 15:04 468 0 Qoǵam TURKYSTAN.KZ

Aqparat aıdynyndaǵy bedeldi basylym

Shırek ǵasyr tarıhy bar «Túrkistan» halyqaralyq gazeti – qoǵamdaǵy ózekti máselelerdiń, ulttyń rýhanı qundylyqtarynyń  jarshysy bolyp kele jatqandyǵyn jaqsy bilemiz. Qashan da halyqtyń sózin sóılep kóp dúnıelerge bastamashy bolǵany da ras. Táýelsizdik alǵan alǵashqy ýaqytta tuńǵysh qazaq basylymdarynyń biri bolyp  1994 jyly qańtar aıynda nebári 4 paraq bolyp jaryq kórgenin áli bilemin. Qolyma alyp oqyp otyryp qýanǵanym da ras. Sol «Túrkistan», búgingi tańda qazaq baspasózi aıdynynda bedeldi basylymǵa aınalyp, halyqaralyq dárejege kóterilip otyr.

Demografııa, til, din, salt-dástúr, qazaq halqynyń túrkitildes halyqtarmen yntymaqtastyǵy, qoǵamdaǵy ózgerister – barlyǵy basylymnyń betterinen eshqashan túsip kórgen emes.

Alash qaıratkeri Ahmet Baıtursynov aıtqandaı «halyqtyń kózi, qulaǵy hám tili» bolýdy maqsat etken basylym bolashaqta da alǵan baǵytynan jańylmaı el múddesinen shyǵa beretinine kámil senemin.

Qazaqstannyń aqparat aıdynynda ózindik erekshe orny bar gazet ujymyna tek shyǵarmashylyq tabys tileı otyryp, oqyrmandar qatary  kóbeıe bersin degim keledi.

 

Aqylbek Kúrishbaev,

S.Seıfýllın atyndaǵy

Qazaq agrotehnıkalyq ýnıversıtetiniń

rektory, professor

Sońǵy jańalyqtar