7 Aqpan 2019, 13:27 617 0 Bilim "Túrkistan" gazetiniń avtorlary

QazATÝ qos dıplomdy bilim berýge kóshpek

Biz maqsatty baǵytymyzdyń alǵashqy mejesine qol jetkizdik. Kúni keshe Parıjde álemdegi  eń úzdik 10 agrarlyq JOO-nyń qataryna kiretin AgriParisTech ýnıversıtetimen (Franııa) yntymaqtastyq týraly memorandýmǵa qol qoıyldy.

Budan bylaı, biz franýz professorlarymen halyqaralyq deńgeıdegi jańa oqý baǵdarlamalaryn birlese ázirlep, bilim berý úderisine engizetin bolamyz, al ári qaraı, eger barlyǵy josparlaǵanymyzdaı bolsa, olarmen qos dıplomdy bilim berýge kóshemiz. Mundaı mindetti bizdiń aldymyzǵa Premer-Mınıstrdiń orynbasary – Aýyl sharýashylyǵy mınıstri Ómirzaq Shókeev pen Ulttyq agrarlyq ǵylymı-bilim berý ortalyǵynyń  basshylyǵy qoıyp otyr.

Bizge osyndaı aýyl sharýashylyǵy baǵytynda bilim beretin álemdik kóshbasshynyń kelýin «tyń ózgeristerge jasalǵan alǵashqy qadamnyń basy» dep baǵalaǵan jón. Degenmen bul sheshimdi franýz áriptesterimiz QazATÝ-dyń oqytýshylary men stýdentteriniń áleýetti múmkindikterin jan-jaqty zerttep, uzaq oılanyp baryp qabyldaǵanyn aıta ketý kerek. Mundaı kóshbasshylarmen seriktestikke qol jetkizý de ońaı emes, sebebi bul ýnıversıtetter úshin ózderiniń jeke ımıdji birinshi orynda.

Endi, eń bastysy, QazATÝ-dyń Damý baǵdarlamasyn tabysty, ári merziminde júzege asyrý úshin memlekettik bıýdjetten qarajat bólý qajet.

Aldaǵy ýaqytta biz de óz elimizde álemniń úzdik ýnıversıtetterindegideı aýyl sharýashylyǵynyń kásibı mamandaryn daıyndaı alatynymyzǵa senimdimin. Óıtkeni biz muny qalaı isteý kerektigin bilemiz jáne kezindegi Sıngapýr, Malaızııa, Argentına, Chılı, Qytaı jáne basqa da elderdiń jetekshi ýnıversıtetteri ótken jolmen júrip kelemiz. Biraq olardyń qalyptasýyna memleket qoldaý kórsetip, qarjylandyrýy arqasynda qazirgi deńgeıge jetip otyr.

Bizge de búgin memleket tarapynan osyndaı qoldaý qajet. Damyǵan elderdiń qol jetkizgen nátıjelerin kóre otyryp, bir jerde tura berýge bolmaıdy. Biz «bilim berýge salynǵan ınvestıııa – qaıtarymdy ınvestıııa» deımiz. Endeshe, muny naqty jobalarmen iske asyrýdyń ýaqyty kelgendeı.

 

Aqylbek Kúrishbaev,

S.Seıfýllın atyndaǵy QazATÝ rektory

Sońǵy jańalyqtar