7 Aqpan 2019, 12:42 633 0 Nur Otan Ásel ÁNÝARBEK

Partııa úshin jaýapty kezeń

«Nur Otan» partııasynyń Shymkent qalalyq fılıalynda Abaı aýdandyq partııa fılıalynyń kezekten tys HHHVI konferenııasy ótkizildi.

Konferenııaǵa QR Parlamenti Májilisiniń depýtattary E.Kozlov jáne B.Jylqyshıev, «Nur Otan» partııasy Shymkent qalalyq fılıaly tóraǵasynyń birinshi orynbasary B.Narymbetov, «Nur Otan» partııasy Abaı aýdandyq fılıaly saıası keńesiniń músheleri, bastaýysh partııa uıymdarynyń tóraǵalary jáne ókilderi, memlekettik mekeme basshylary jáne BAQ ókilderi qatysty.

Konferenııa barysynda Abaı aýdany ákimi, fılıal tóraǵasy Buharbaı Parmanov QR Prezıdentiniń «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty 2018 jylǵy 5 qazandaǵy Joldaýyn iske asyrý barysy týraly baıandama jasady. Buharbaı Parmanov aldymen jyl boıy aýdannyń konomıkalyq jaǵdaıyn jaqsartý, halyqtyń ál-aýqatyn arttyrý barysynda atqarǵan jumystaryna toqtaldy. Ásirese, turǵyndardyń basty qajettiligi – jol, jaryq, aýyz sý, qalanyń tazalyǵy, kógaldandyrý men abattandyrýyndaǵy naqty qolǵa alǵan sharalardy baıandady. «Ótken jyly qalanyń keıbir móltek aýdandarynda halyq sanynyń ósýine baılanysty gaz jetkiziliminiń jetispeýshiligi baıqaldy. Avtomattandyrylǵan gaz taratý stanııasynyń qurylysy boıynsha jobalaý-smetalyq qujattama daıyndaldy. Qazir ol memlekettik saraptamadan ótip jatyr. Oń nátıje alǵannan keıin qurylysty qarjylandyrýǵa usynys jasalady», – dedi Buharbaı Parmanov.

Shymkent qalalyq máslıhatynyń depýtaty, qalalyq fılıaldyń saıası keńes múshesi Nurǵazy Buharbaev «Nur Otan» partııasynyń 2030 jylǵa deıingi Baǵdarlamasy jobasynyń negizgi erejelerin talqyǵa saldy. Abaı aýdandyq partııa fılıaly Saıası keńesiniń múshesi, partııa ardageri, «Táýelsizdik» BPU tóraıymy Gúlzat Iskakova partııa baǵdarlamasy barlyq qazaqstandyqtardyń laıyqty ómir súrýine jaǵdaı jasaýǵa baǵyttalatynyn atap ótti. «Bizdiń bastaýysh partııa uıymynda múshelerdiń basym kópshiligi – muǵalimder. «Pedagog mártebesi týraly» zań jobasyna da birqatar usynystar joldadyq. Bastaýysh uıym jınalysynda baǵdarlama jobasyn talqyladyq. Partııa bilim berý júıesine úzdik mamandardy tartý boıynsha jumys isteıtin bolady. Ol úshin pedagogtarǵa jalaqysyn kóterý bastamasy qolǵa alynyp, oqý proesine sandyq tehnologııalardy aýqymdy engizý júzege asyrylady. Bul degenimiz, artyq eseptilik azaıyp, bilim berý sapasy artady», – dedi partııa ardageri.

Konferenııa barysynda ardagerler keńesiniń tóraǵasy Ulyqpan Bashenov, «Badam» bastaýysh partııa uıymynyń tóraıymy Jaına Qudaıbergen, «Jas Otan» jastar qanaty belsendisi Nurlybek Ábilkárim partııa baǵdarlamasy jobasy boıynsha óz oılaryn ortaǵa saldy. «Nur Otan» partııasy qalalyq fılıalynyń tóraǵasynyń birinshi orynbasary Bahadyr Narymbetov konferenııa jumysyn qorytyndylap, partııa aktıvine aldaǵy atqarylatyn jumystar boıynsha birqatar tapsyrmalar berdi. «Taıaý onjyldyq bizdiń partııa úshin Otan ıgiligine budan da belsendi jumys isteý kezeńi bolmaq. Biz halyq senimin baǵalaımyz jáne halyqtyń úmitterine saı bolý úshin barymyzdy salyp jumys isteıtin bolamyz», – dep atap ótti Bahadyr.

Sondaı-aq, 12 aqpan kúni ótetin «Nur Otan» partııasy Shymkent qalalyq fılıalynyń konferenııasyna delegattar saılanyp, konferenııa qorytyndysy boıynsha qaýyly qabyldandy.

 

Sońǵy jańalyqtar