7 Aqpan 2019, 11:14 442 0 Nur Otan Ásel ÁNÝARBEK

Erlan Aıtahanov: Maqsat – eldi júıeli jańǵyrtý

Bıyl «Nur Otan» partııasynyń qurylǵanyna 20 jyl. Bul – elimiz úshin aıtýly kún. Elimizdiń damý jolyndaǵy qol jetkizgen árbir keleli ister memleket táýelsizdiginiń arqasy, Elbasymyzdyń syndarly da salıqaly saıasatynyń arqasynda bolyp otyr.

«Nur Otan» partııasy qoǵam men Prezıdent qoıǵan barlyq mindetterdi oryndaý úshin negizgi baǵdarlamalardy qabyldap, tıisti uıymdardy qurdy. Máselen, «Ál-aýqattyq qoǵam: onjyldyqtyń 10 maqsaty» «Nur Otan» partııasynyń 2030 jylǵa deıingi baǵdarlamasy atty aýqymdy jumystar el damýyna kóp úles qosýda. Qazaqstannyń 2030 jylǵa deıingi uzaqmerzimdi damý strategııasyn alǵa tarta otyryp, Memleket basshysy halyqqa aldaǵy jyldarǵa arnalǵan áleýmettik-konomıkalyq jáne saıası reformalardyń naqty baǵdarlamasyn usyndy. Atalǵan baǵdarlama damyǵan elderdiń qataryna kirý úshin memleketti qalyptastyrýdyń tekserilgen jáne senimdi tásili bolyp tabylatyn 5 ınstıtýıonaldyq reformalarǵa negizdelgen. Aldaǵy onjyldyqtaǵy bizdiń maqsat – árbir qazaqstandyqtyń ómir súrý deńgeıin sapaly arttyrý úshin eldi júıeli jańǵyrtý. Partııa eldegi jetekshi saıası kúsh retinde, kóshbasshymyz aıqyndaǵan strategııa sheńberinde óziniń negizgi kúsh-jigerin aldaǵy onjyldyqtyń 10 basty maqsattaryna qol jetkizýge baǵyttaıdy.

Sondaı-aq, Prezıdenttiń «Qazaq-standyqtardyń ál-aýqatynyń ósýi: tabys pen turmys sapasyn arttyrý» atty 2018 jylǵy 5 qazandaǵy Joldaýyn iske asyrý barysynda partııa óz tarapynan kóp jumystar atqardy. Osy turǵyda Joldaýdan bastaý alatyn jobalardyń Otyrar aýdanynda iske asyrylýy aýdanymyzdyń áleýmettik-konomıkalyq ósýine oń áserin tıgizýde. Atap aıtsaq, ár salada qyzmet etetin 1746 qyzmetkerdiń aılyq jalaqysyna Respýblıkalyq bıýdjetten qosymsha 380 mln teńge qaralyp, jalaqysy kóterildi. «Shaǵyn nesıe berýdi kóbeıtýdi» iske asyrý maqsatynda jergilikti halyqtyń ózin-ózi eńbekpen qamtyǵan jáne jumyssyz tur­ǵyndar qatarynan jappaı kásipkerlikti damytýǵa 2018 jyly 64 azamatqa jalpy somasy 300 mln teńge shaǵyn nesıe berildi. 2018 jyly aýdanymyzda 11 myń 568 sharshy metr bolatyn 101 turǵyn úı paıdalanýǵa berildi. El turǵyndarynyń ál-aýqatyn arttyrý, tabysyn eseleý jóninde qabyldanǵan Elbasy baǵdarlamalaryn aýdan ákimdigi oblys ákimdigimen birlesip tıisti dárejede atqarýda.

 

Sońǵy jańalyqtar