7 Aqpan 2019, 11:07 769 0 Nur Otan Ásel ÁNÝARBEK

On jyldyqqa – on maqsat

«Nur Otan» partııasy Kókshetaý qalalyq fılıalynyń kezekten tys XXVIII konferenııasynda partııa aktıvi aldaǵy on jyldyqqa arnalǵan partııanyń on maqsatyn talqylady. Konferenııa jumysyna Qazaqstan Respýblıkasy Parlamenti Májilisiniń depýtattary Aıgúl Nýrkına, Jamılıa Nurmaǵambetova men Aızada Qurmanova qatysty.

Konferenııa barysynda «Nur Otan» partııasynyń 20 jylda atqarǵan jumystaryna da toqtalyp ótip, partııanyń halyq úshin jasaǵan jumystary tilge tıek etildi. Kókshetaý qalalyq partııa fılıaly tóraǵasynyń birinshi orynbasary Záýresh Nurymova 2030 jylǵa deıingi partııanyń baǵdarlamasymen tanystyrdy. «Kókshetaý qalalyq partııa fılıalyna qarasty barlyq bastaýysh partııa uıymdarynyń jınalystarynda partııanyń baǵdarlamasy qyzý talqylanyp, aldaǵy on jyldyqqa qoıylǵan on maqsatty júzege asyrylý barysy da aıtyldy. Partııa baǵdarlamasynda áleýmettik sala, bilim berý, densaýlyq saqtaý, jastar men bıznesti qoldaý máseleleri jan-jaqty qamtylyp, ár qazaqstandyqtyń qoljetimdi baspana men sapaly bilim alýyna jaǵdaı jasalýy qajet delingen. Bizdiń oıymyzsha, bul naqty ister men naqty qadamnyń baǵdarlamasy», – dedi óz sózinde Záýresh Nurymova.

Sonymen qatar, konferenııa barysynda Qazaqstan Respýblıkasy Prezıdentiniń halyqqa arnaǵan bıylǵy Joldaýynyń júzege asyrylý jaıynda esep berildi. Partııalyqtar aldynda esep bergen Kókshetaý qalasy ákiminiń orynbasary Amangeldi Smaılov atqarylǵan negizgi jumystarǵa toqtalyp ótti. Kókshetaý qalasyndaǵy ortasha jalaqy ótken jyly 125,1 myń teńgeni qurasa, oblystaǵy basqa óńirlermen salystyrǵanda Kókshetaý qalasy tórtinshi orynnan ekinshi orynǵa kóterilgen. Shaǵyn jáne orta bıznes sýbektileriniń sany ósken. Ótken jyly 1500 páterge shaqtalǵan 31 kóppáterli turǵyn úı paıdalanýǵa berilgen. Elbasynyń «Bes áleýmettik bastamasynda» belgilengen «7-20-25» baǵdarlamasy boıynsha Kókshetaý qalasynda 200-den astam ótinish qaralyp, oń sheshimin tapqan. Osylaısha, respýblıka boıynsha Kókshetaý qalasy atalmysh baǵdarlamany júzege asyrý boıynsha besinshi orynǵa shyqqan. Oblys ortalyǵynyń tas joldaryn jóndeý jumystary jalǵasýda. Ótken jyly eki myńnan astam jumys orny ashylǵan.

Konferenııa barysynda partııalyqtar qala damýynyń kórsetkishteri jaıyndaǵy esepti nazarǵa alyp, parııanyń 2030 jylǵa deıingi baǵdarlamasyn talqylap, tolyǵymen qoldaıtyndyqtaryn jetkizdi. Delegattar partııanyń aldaǵy XVIII sezi eldiń damýyna tyń serpin beretindigine senimdi. Konferenııa sońynda partııa belsendileri alǵys hattarmen marapattaldy.

Sońǵy jańalyqtar