7 Aqpan 2019, 16:10 458 0 Qoǵam TURKYSTAN.KZ

Mamandyqqa adaldyq

Ustaz bolyp, shákirt tárbıeleý erikshe erik-jigerdi, zor qaıratty talap etedi. Ustazdyqtyń bıik shyńy abzaldyq álippesinen bastalsa kerek. Elimizde jarty ǵasyrdan astam ǵumyryn mektep qabyrǵasynda ótkizgen ustazdardyń sany az. Sondaı abzal azamattardyń biri hám biregeıi Myrzahan Qabasov.

Almaty qalasyndaǵy №98 mektepte ardager ustaz,  «Ybyraı Altynsarın» tósbelgisiniń ıegeri Myrzahan Qabbasovpen kezdesý keshi ótti. Eńbek kitapshasyna eki mekemeniń móri basylǵan ustaz bul kúnde shákirtterine ǵana emes, barlyq muǵalimderge úlgi. Sanaly ǵumyrynyń 51 jylyn matematıka ǵylymyna arnap, shákirtterin bilim nárimen sýsyndatty. Merekelik sharada sóz alǵan mektep dırektory Myrzahan Qabasovtyń mamandyǵyna adaldyǵyn aıtyp, kásibı sheberligin áıgiledi. Myrzahan Qabasovpen kezdesý keshine Medeý aýdanynyń orynbasary Ǵanı Maılybaev, qurmetti qonaqtar men BAQ  ókilderi qatysty.

Myrzahan Qabasuly 1998 jyly Medeý aýdandyq oqý bóliminiń joldamasymen №98 mektepke matematıka pániniń muǵalimi bolyp ornalasty. Sodan beri atalǵan oqý ornynda eńbek etip, úlgili ustaz atandy. Almaty qalalyq bilim jetildirý ınstıtýtymen tyǵyz shyǵarmashylyq baılanys ornatyp, lekııalar oqydy. Oqý baǵdarlamalary men test tapsyrmalaryn daıyndady. 2000 jyly respýblıka mektepterine arnalǵan test tapsyrmalaryn qurastyrýshylardyń biri boldy. «Orta mektepte logarıfm taqyrybyn oqytý týraly», «lementter matematıkanyń negizgi formýlalary», «Algebra jáne analız bastamalarynan esepter jınaǵy», «Matematıkadan UBT tapsyrýshylarǵa kómekshi qural» syndy oqý quraldarynyń avtory.

Sońǵy jańalyqtar