7 Aqpan 2019, 10:12 618 0 Qoǵam Názııa JOIaMERGENQYZY

JAŃA MÚMKINDIKTER ÁLEMI

2019 jyldyń qańtarynan bastap múmkindikteri shekteýli adamdarǵa arnalǵan «Teń IT-múmkindikter álemi» jastar lageri» atty biregeı joba iske qosyldy.

Atalǵan joba múmkindikteri shekteýli adamdardy IT salasyna tartý arqyly áleýmettik turǵyda qoldaýǵa arnalǵan. Eń úzdik áleýmettik baǵyttaǵy IT– sheshimderdi júzege asyrǵan komandalarǵa grant beriledi.

«Qazaqstan azamattarynyń áleýetin damytý «Shevron» kompanııasynyń elimizde jumys atqaryp jatqan 25 jyldyń ishindegi barlyq áleýmettik baǵdarlamalarǵa negiz bolyp keledi. Biz múmkindikteri shekteýli adamdardyń máselelerin sheshýge kúsh saldyq jáne jastardyń konomıkalyq múmkindikterin ulǵaıttyq. Búgin biz tusaýyn kesip jatqan jobamyz da kópshilikke ózgeristi bolatynyna úmittimiz», – deıdi Chevron kompanııasynyń ókili Aınur Sydyqova.

Joba múgedektigi bar adamdarǵa jumysqa ornalasý barysynda básekelestik qabiletin damytýǵa yqpal etedi. Múgedektigi bar adamdardyń tabysqa qol jetkizý jolyndaǵy negizgi tosqaýyldary: oqý oryndarynyń qolaısyzdyǵy, ádistemelik oqýlyqtardyń jáne basqa da oqytýdyń balama resýrstarynyń bolmaýy.

Joba sheńberinde aralas oqytý sııaqty zamanaýı tehnologııalar qoldanylady, onyń qurylymyna onlaın-quraldar, ınklıýzıvti tájirıbeler men ádister, mentorlyq baǵdarlama jáne iske asyp jatqan jobalarǵa praktıkalyq tartý kiredi. Nátıjesinde jobaǵa qatysqandar básekege qabiletti bilim men óz betimen oqý daǵdysyn ıgeredi.

«Erekshe Tańdaý-Shelek» Korporatıvtik Qorynyń baǵdarlamalaý dırektory Zahıra Begalıeva bul bastamaǵa bylaısha sıpattama berdi: «Qazir bizdiń memleketimizde múgedektigi bar adamdardy oqytatyn ár túrli kýrstar kóp. Oqytý jobalary negizinen adamdardy jańa bilimmen qamtamasyz etedi. Al «IT-lager» bul bilimderdi dál qazir paıdalanýǵa shabyttandyrý úshin qajet, sebebi tereń bilimdi adam da keıde bilimin paıdalanýǵa daıyn emes.

Bul joba «Samruk-Kazyna Trust» KQ jáne «Shevron» kompanııasynyń qarjylaı qoldaýymen júzege asady. Jobanyń uıymdastyrýshylary – «Erekshe Tańdaý-Shelek» KQ «Moıymaıtyn Múgedekter Qoǵamy» Qoǵamdyq birlestigi jáne «Ortalyq Azııanyń Evrazııa Qory» KQ.

 Názııa Joıamergenqyzy

Sońǵy jańalyqtar