6 Aqpan 2019, 12:06 581 0 Qoǵam Nazym Toılybaeva

Taraz qalasy ákiminiń páteri qansha turatyny aıtyldy

Taraz qalasy ákimdigindegiler qala basshysy Ǵalymjan Ábdiraıymovtyń qyzmettik páteri qansha turatynyn aıtty, dep habarlaıdy Tengrinews.kz.

Ákimdik ókilderi redakııa joldaǵan resmı saýalǵa bergen jaýabynda ákimge aýmaǵy 116 sharshy metr bolatyn qyzmettik tórt bólmeli páter berilgenin aıtty.

"Taraz qalalyq ákimdiginiń qarjy bólimindegiler ákimge 24,5 mıllıon teńge turatyn páter berdi", - dep habarlady vedomstvodaǵylar.

Sondaı-aq, 2019 jyldyń 28 qańtaryndaǵy jaǵdaı boıynsha ákimdikte 54 qyzmettik páterdiń bar ekeni jáne olardyń barlyǵynda memlekettik qyzmetkerlerdiń turyp jatqany aıtylady. Olardyń aıtýynsha, bos turǵan páterler joq.

Eske salaıyq, Ǵalymjan Ábdiraıymov Taraz qalasy ákiminiń qyzmetine 2018 jyldyń 23 sáýirinde kelgen edi.

Ábdiraıymov Ǵalymjan Raıyluly 1965 jyly týylǵan, ulty qazaq, bilimi joǵary, 1988 jyly Jambyl gıdromelıoratıvtik-qurylys ınstıtýtyn "ınjener-qurylysshy", 2003 jyly "Turan" ýnıversıtetin "zańger" mamandyqtary boıynsha támamdaǵan. 2014-2015 jyldary Almaty oblysy ákimi apparatynyń basshysy, 2015-2017 jyldary Almaty oblysy ákiminiń orynbasary qyzmetterinde boldy. 2017 jyldyń 15 aqpanynan 2018 jyldyń sáýirine deıin Jambyl oblysy ákiminiń orynbasary qyzmetin atqarǵan.

Sońǵy jańalyqtar