5 Aqpan 2019, 12:38 694 0 Qoǵam Nazym Toılybaeva

"7-20-25" úlgisindegi avtonesıeleýdiń qashan júzege asyrylatyny aıtyldy

Ulttyq bank tóraǵasy Danııar Aqyshev kólikterdiń "7-20-25" baǵdarlamasy úlgisinde nesıege qashannan bastap beriletinin aıtty, - dep habarlaıdy Tengrinews.kz.

"Qazaqstan azamattaryna "7-20-25" úlgisinde otandyq kólikterdi nesıege berý baǵdarlamasyn jedel túrde ázirleýge daıynbyz. Osy jyldyń birinshi jartyjyldyǵynda múddeli organdarmen jáne banktermen osy usynysty qarastyrýǵa daıynbyz", - dedi Aqyshev úkimet otyrysy barysynda.

Aıta keteıik, Ulttyq bank tóraǵasy Danııar Aqyshev Nursultan Nazarbaev qatysqan úkimet jınalysynyń keńeıtilgen otyrysynda "7-20-25" úlgisindegi avtonesıleý jobasy týraly usynys jasaǵan edi. Nursultan Nazarbaev bul usynysty maquldaǵan bolatyn.

"Biz byltyr "7 -20-25" baǵdarlamasyn engizdik. Onyń jumys istep turǵanyn kórip turmyz. Nesıeni halyqqa ulǵaıtý úshin ne isteýimiz qajet? Ulttyq bank az ýaqytta azamattar úshin elimizde shyǵarylatyn kólikterdi nesıe arqyly alý baǵdarlamasyn daıyndaýǵa ázir. Bul josparymyz naryqtyq ekonomıka qaǵıdasynda júzege asady. Bul nesıe túri "7-20-25" baǵdarlamasynyń bazasy men ınfoqurylymynda qurylady", - degen edi Aqyshev.

Sońǵy jańalyqtar