4 Aqpan 2019, 11:01 723 0 Sport Nazym Toılybaeva

Jánibek Álimhanuly «Kanelomen» jekpe-jekke bel býdy

Orta salmaqtaǵy jeńilip kórmegen qazaqstandyq boksshy Jánibek Álimhanuly (5-0, 2 KO) aldaǵy ýaqytta WBA (Super)/WBC tujyrymdary boıynsha álem chempıony Saýl «Kanelo» Alvarespen (51-1-2, 35 KO) aıqasýǵa nıeti baryn bildirdi, dep habarlaıdy QazAqparat Sports.kz-ke silteme jasap.

«Kanelo» - meniń salmaǵymdaǵy chempıon. Men álem chempıondarymen bokstasqym keledi. Sondyqtan «Kaneloǵa» da daıynmyn. GGG odan jeńilip qaldy, al men Gennadııdiń jerlesimin, sol úshin «Kanelony» jeńip, tıtýldaryn Qazaqstanǵa qaıtarǵym keledi», - dedi Jánibek Fino Boxing arnasyna bergen suhbatynda.

Eske sala keteıik, keshe Jánibek AQSh-tyń Frısko qalasyndaǵy (Tehas shtaty) The Ford Center at The Star arenasynda «Hıtmen» laqap atymen tanymal amerıkalyq Stıven Martınespen (18-4, 13 KO) judyryqtasyp, tehnıkalyq nokaýtpen jeńgen bolatyn.

 

Sońǵy jańalyqtar