28 Qańtar 2019, 10:49 907 0 Qoǵam Nazym Toılybaeva

Bıyl salyq tóleý júıesinde ózgerister bolady

2019 jyldyń sońyna qaraı salyq tóleý júıesi Biryńǵaı elektrondyq ámııan arqyly júrgiziledi. Bul týraly Parlament Májilisindegi Úkimet saǵatynda QR Qarjy mınıstri Álıhan Smaıylov aıtty, dep habarlaıdy QazAqparat.

«Qarjy mınıstrligi salyqtyq jáne kedendik ákimshilendirýdi ıfrlandyrýǵa baǵyttalǵan birqatar jobalardy iske asyrýda. 2018 jyldyń qorytyndylary boıynsha, memlekettik kirister organdary 22 mıllıon qyzmet kórsetti. Onyń ishinde 20 mıllıon qyzmet elektrondyq túrde júrgizildi. Memlekettik qyzmetterdi ary qaraı ońtaılandyrý jáne avtomattandyrý úshin vedomstvoaralyq komıssııa deńgeıinde jol kartalary bekitildi. Qyzmetterdiń kóbisin elektrondyq úkimet portalyna shyǵarý kózdelip otyr, sondaı-aq  jeke sektor kompanııalarymen ıntegraııa júrgizilýde. Osy jumystyń nátıjesinde, 2025 jylǵa qaraı Qarjy mınıstrligiń qyzmetteriniń 95 paıyzy elektrondyq formatta kórsetiletin bolady», - dedi mınıstr.

Onyń sózine qaraǵanda, jyl saıyn bıýdjettik synyptama kodtaryn qysqartý, salyq eseptiligi nysandaryn ońtaılandyrý boıynsha jumys josparly túrde júrgizilip keledi. 2015 jyldan bastap bıýdjettik synyptama kodtarynyń sany 2,5 esege qysqardy.

«Salyq deklaraııasynyń nysandary 30 paıyzǵa ońtaılandyryldy. Salyqtardy elektrondyq túrde tóleý proesin jeńildetý bastaldy. Ol úshin salyq tóleýshiniń Biryńǵaı elektrondyq ámııan servısine kóshýi kózdeledi.Bul rette, Estonııanyń tájirıbesi qyzyq. Onda salyq tóleýshiler salyqty bir rekvızıtke tóleıdi. Sosyn, sol soma jeke tulǵalardyń barlyq salyqtary boıynsha avtomatty túrde taraıdy. Osyǵan sáıkes, Qarjy mınıstrliginiń aqparattyq júıeleri 2019 jyldyń sońyna qaraı Biryńǵaı elektrondyq ámııanǵa túsken salyq tólemderin ózderi shottar boıynsha taratady», - dep naqtylady Á. Smaıylov.

Bul turǵyda ol salyqtardy qate tóleýdiń boldyrmaý nátıjesinde tólem qujattarynyń sany qysqartylatynyn, anyqtalmaǵan tólemder men negizsiz aıyppuldar alynyp tastalatyny, ınkassalyq ókimder sany qysqartylatynyn, salyq tóleýshilerdiń ýaqyty únemdeletinin atap ótti.

«Sonymen qatar, elektrondyq ámııan arqyly salyqtardy tóleýdiń biryńǵaı servısine ótý úshin aqparattyq júıeni pysyqtaý jáne derekter bazasyn aktýalızaııalaý qajet. Budan basqa, bıýdjettik, banktik, salyq, keden zańnamalaryna ózgerister engizý boıynsha úlken jumys júrgizý qajet bolady», - dedi vedomstvo basshysy.

Sońǵy jańalyqtar