24 Qańtar 2019, 14:24 710 0 Qoǵam "Túrkistan" gazetiniń avtorlary

Janseıit Túımebaev: Uly muratqa jumyldyrǵan gazet

Kezinde qazaqtyń zańǵar jazýshysy Muhtar Áýezov «Adamda eki túrli qylyqtyń joly bar, biri – tirshilik qamy, biri – adamshylyq qamy» degen eken. Aqparattar aǵyny tasqyndaǵan almaǵaıyp zamanda reıtıng qýalaýdyń emes, ultty uly muratqa jumyldyrý qamymen eńbek etip júrgen bul basylymǵa el alǵysy sheksiz.

Ádildik, shynaıylyq jáne tereńnen tolǵaý, ult rýhanııaty men múddesin qyzǵyshtaı qorǵaý – «Túrkistan» gazetiniń basty ustanymdary. Osy eńbekterińizben el senimin aqtap júrsizder. Tanymal sóz zergeri Qaltaı aǵamyz bastaǵan talaı kósemsóz tarlandary men jalyndy jýrnalısterdiń izi qalǵan bul basylym tek qazaq halqy ǵana emes, tutas túrki álemin de jaqyndastyrýǵa úles qosýda. Byltyr  Prezıdentimiz Nursultan Ábishulynyń bastamasymen Túrkistan oblysy qurylyp, Túrkistan qalasynda aýqymdy qurylas bastalǵanyn bilesizder. Aldymyzda Túrkistandy túrki áleminiń mádenı-rýhanı ortalyǵyna aınaldyrý mindeti tur.

Demek «Túrkistan» gazetiniń uly muraty jańa dáýiri bastalǵan Túrkistan oblysy men Túrkistan qalasynyń damý josparymen jáne Elbasymyzdyń saıasatymen tolyq úılesip tur. Sondyqtan áriptestigimiz tereńdeı túsedi degen oıdamyn.

Endeshe, el birligi men rýhanııatyn ulyqtap, Uly Dala eliniń jarqyn bolashaǵy úshin aıanbaı qyzmet etip júrgen gazet ujymyna shyǵarmashylyq shabyt, otbasylaryna amandyq, árbir qyzmetkerine uzaq ómir tileımin! Jigerli qalamger Qýat Áýesbaı bastaǵan «Túrkistan» gazetiniń óreli órenderi Qazaqstannyń gúldenýine úles qosa beredi dep senemin! El gazeti Máńgilik elmen birge jasaı bersin!

Sońǵy jańalyqtar