24 Qańtar 2019, 13:31 552 0 Qoǵam "Túrkistan" gazetiniń avtorlary

JÁÝTIKOV OLIMPIADASYNYŃ JÚLDEGERLERI

Jýyrda Almatyda Halyqaralyq Jáýtikov olımpıadasy ótti. Fızıka, matematıka, ınformatıka pánderin qamtıtyn halyqaralyq baıqaý  jyldan-jylǵa tartysty, ári qyzyqty bolýda. Eń alǵash 2005 jyly 5 memleket baq synasa, bıyl onyń sany jıyrmadan asty. Tipti, muhıt asyp AQSh-tan kelgen qatysýshylar bar. Jalpy komandalar sany 80-ge jetip, 540 jas talapker baıqaý kórkin kirgizdi. Jáýtikov olımpıadasynyń ereksheligi tapsyrmalar mazmuny jyldan-jylǵa kúrdelenip otyrady. Osy rette qatysýshylarǵa qoıylatyn talap ta joǵary. Bıylǵy bas júldeni reseılik oqýshylar ıemdendi. Jastar jyly qarsańynda 100-den astam erikti Qazaqstannyń halyqaralyq baıqaýynyń joǵary deńgeıde ótýine atsalysty. Qazaqstan quramasynda júldeli bolǵan Danııar Zakarın: «Bıylǵy baıqaý óte tartysty ótti. Baǵdarlamalaýmen 7-synyptan bastap aınalyssam da, 8-9 synyptarda tolyqtaı bet burdym. Osy olımpıadadan alǵan júldem emes, myqty qarsylastarmen baqtalasyp, bilim-tájirıbe almastym. Bul meniń bolashaǵym úshin mańyzdy», – dedi. Olımpıadanyń barlyq kezeńi aıaqtalǵannan keıin komandalar Almatynyń kórikti, mádenı mekenderin aralaýǵa múmkindik aldy. Bir aptaǵa sozylǵan baıqaý memleketter arasyndaǵy dostyqty nyǵaıtyp, jastardyń damýyna úlken serpin berdi.

Sherhan TÁPI

Sońǵy jańalyqtar