10 Qańtar 2019, 11:13 808 0 Densaýlyq Ásel ÁNÝARBEK

2018 jyly almatylyq jumys berýshiler 21 mlrd teńge jarna aýdardy

Ótken jyly Medıınalyq saqtandyrý qoryna Almaty qalasynan 21 mlrd teńgege jýyq jarna tústi. Al, júıe iske qosylǵan 2017 jyldyń 1 shildesinen beri ońtústik astanalyqtar qorǵa 28 mlrd teńgeden astam qarjy aýdarǵan. Bul týraly «Áleýmettik medıınalyq saqtandyrý qory» KEAQ Almaty fılıaly basshysy Tileýhan Ábildaev habarlady.

Aıtýynsha, bul respýblıka boıynsha túsken jarnanyń 21 paıyzy. Jalpy, Almaty qalasy tólengen jarna kólemi jaǵynan elimiz boıynsha kósh bastap tur, dedi Tileýhan Ábildaev.

Esterińizge sala ketsek, 2019 jyly jarnany jumys berýshiler ǵana tóleıdi. Bıyl olar jumysker tabysynyń 1,5 paıyzy kóleminde jarna aýdarady. Aýdarym jumys berýshiniń óz qarajaty esebinen jasalady. Al, jeke kásipkerler 2019 jyly ózi úshin jarna aýdarý mindetinen bosatylǵan.

Sońǵy ózgeristerge sáıkes, elimizde bıyldan bastap biryńǵaı jıyntyq tólem júıesi engizildi. Biryńǵaı tólemge ózge áleýmettik tólemderden basqa MÁMS jarnasy da engizilgen. Ol jıyntyq tólemdi tóleýshilerge saqtandyrý júıesine qatysyp, MÁMS sheńberinde kórsetiletin medıınalyq qyzmetterdi paıdalanýǵa múmkindik bermek. Tólemdi jeke tulǵalarǵa qyzmet kórsetetin, jaldamaly jumysshylar eńbegin paıdalanbaı tabys tabatyn jeke tulǵalar aýdarady. Jıyntyq tólem somasy respýblıkalyq mańyzy bar qala turǵyndary úshin – 1 AEK (aılyq eseptik kórsetkish), aýyl-aýdan turǵyndary úshin – 0,5 AEK quramaq (2019 jyly 1 AEK – 2525 teńgege teń).

Esterińizge sala ketsek, jınaqtalǵan qarjy Ulttyq bankte saqtalady. Bolashaqta MÁMS paketi sheńberindegi qyzmetter aqysyn tóleýge jumsalady. Elimizdiń bas bankimen qarjyny senimgerlik basqarý týraly kelisim bekitilgen.

Sońǵy jańalyqtar