27 Jeltoqsan 2018, 10:48 994 0 Nur Otan Ásel ÁNÝARBEK

Qaıyrymdylyq – asyl qasıet

«Jas Otan» jastar qanatynyń Batys Qazaqstan oblysy, Bókeı Orda aýdanyndaǵy músheleri óńirdegi soǵys jáne tyl ardagerleriniń, jalǵyzbasty qarııalardyń úıine baryp, kúndelikti turmys-tirshiligine qolǵabys etýde.

Qys ýaqyty kezinde aýladaǵy qarlaryn kúrep, otyn-sýlaryn tasyp, jaz aılarynda qora-qopsylaryn tazalap, úılerine tazalyq jumystaryn júrgizip keledi. Osyndaı kómektiń biri «Ardagerlerdi ardaqtaıyq», «Kedergisiz keleshek» partııalyq jobalary aıasynda Saıqyn aýylynyń turǵyndary, tyl eńbekkerlerine kórsetildi.

«Men jalǵyz ózim bolǵandyqtan, qyrýar sharýa jınalyp qalady. Jastardyń tıtteı de bolsyn sol jumystardy azaıtýǵa septigin tıgizip jatqanyna qýanamyn. Jastardyń istegeni bilinbeıdi. Barlyǵyna rızamyn», – dep rızashylyǵyn bildirdi tyl ardageri Ulǵanym Jumaǵalıeva.

Jastardyń biri esik aldyndaǵy qardy tazalasa, endi biri qarııanyń qysqy otynyn ázirleıdi.  «Qarttarǵa kómektesý ıgi is dep oılaımyn. Ásirese, jalǵyz turatyn qarttar bizdiń kómekke muqtaj jáne osyndaı ıgi isterdi isteı beremiz. Bizdiń aýdanda  kóptegen  ardager bar. Jyl basynan beri aýyl jastarynyń uıym músheleri qarııalardyń úıine baryp, senbilik uıymdastyryp kelemiz», – deıdi jastar.

Osylaısha, óskeleń urpaq ult tarıhyna ólsheýsiz úles qosqan qarttarǵa kómektesý arqyly óz boılarynda meıirimdilik pen izettilikti qalyptastyryp keledi.  «Qaıyrymdylyq – adamnyń asyl qasıetteriniń biri. Qaıyrymdy adam qashanda týra jolda júrip, adamgershilik qasıetterdi boıyna jumyldyrady. Qaıyrymy keń qazaq syndy halyqtyń ár balasy men ár urpaǵy qol ushyn tıgizip, kómek berýge daıyn turǵan. Osyndaı ıgi isterdi bókeılik jastar da ár ýaqyt qolǵa alyp, aýyldyń jalǵyzbasty qarııalary men múgedek jandaryna  ártúrli áleýmettik kómekter kórsetilip keledi», – deıdi partııalyq aǵa tálimgerler.

Sońǵy jańalyqtar