10 Qazan 2018, 16:40 1240 0 Qoǵam Nazym Toılybaeva

Almaty oblysynda 100 myńǵa jýyq adamnyń jalaqysy ósedi

Almaty oblysynda 100 myńǵa jýyq adamnyń jalaqysy ósedi. Bul jóninde óńir basshysy Amandyq Batalov Joldaýdy talqylaýǵa arnalǵan jıynda málim etti, dep habarlaıdy QazAqparat tilshisi.

«Elbasy Joldaýda Úkimetke 2019 jyldyń 1 qańtarynan bastap eń tómengi jalaqyny bir jarym esege kóterýdi tapsyrdy. Iaǵnı, jalaqy 28 myń teńgeden 42 myń teńgege deıin ósedi. Bul oblystyń 100 myńǵa jýyq halqyna tikeleı qatysty, sonyń ishinde 41 myń bıýdjettik uıym qyzmetkerlerine eńbekaqy orta eseppen 35%-ke ósedi», -  dedi Almaty oblysynyń ákimi A. Batalov.

Osyǵan oraı, óńir basshysy  oblys ákiminiń orynbasary Jeńis Tuıaqovqa, ekonomıka jáne bıýdjettik josparlaý basqarmasyna qarjy qajettiligin anyqtap, ony 2019 jylǵa arnalǵan bıýdjette qarastyrýdy tapsyrdy.

Esterińizge sala keteıik, búgin Taldyqorǵanda Elbasy Joldaýyn talqylaýǵa arnalǵan aktıv jıyny ótti. Oǵan Almaty oblysynyń barlyq aýdan, qala ákimderi men basqarma basshylary qatysty. Jıynǵa Amandyq Batalov tóraǵalyq etti.

Sońǵy jańalyqtar