24 Qyrkúıek 2018, 16:20 1626 0 Qoǵam Nazym Toılybaeva

Álııa Moldaǵulova atyndaǵy kópir ashyldy

Aqtóbe qalasynda qazaqtyń batyr qyzy Álııa Moldaǵulovanyń esimi berilgen kópir ashyldy, dep habarlaıdy QazAqparat tilshisi.

«Qyrkúıek aıynda úshinshi kópir paıdalanýǵa berilip otyr. Halyq suraýyn eskerip, 5 aı buryn qurylys jumystary bastaldy. Kópir qurylysy 2,5 aıda aıaqtaldy. Aqtóbeniń Almaty men Astana aýdanyn qosatyn kópirge Álııa Moldaǵulovanyń esimi beriledi», - dedi saltanatty shara barysynda oblys ákimi Berdibek Saparbaev.

Aqtóbe qalasynda kólik keptelisin azaıtý úshin kópirge qosymsha eki ótpejol salyndy. Qurylys jumystaryna bıýdjetten 1,2 mıllıard teńge jumsaldy.

Qurylys jumystaryn tolyǵymen 2019 jyldyń tamyz aıynda aıaqtaý josparlanǵan.

Aıta keteıik, iri jobany iske asyrý kezinde týnnel qabyrǵalaryn nyǵaıtý jáne bekitý, kommýnaldyq jáne baılanys jelilerin qosý,  asfalt tóseý jumystary júrgizildi. Jańa ótpejoldy astanalyq «Progress KZ» JShS saldy.

 

Sońǵy jańalyqtar