14 Qyrkúıek 2018, 15:23 868 0 Densaýlyq Nazym Toılybaeva

Sırek kezdesetin aýrýǵa shaldyqqan almatylyqtardy emdeýge 130 mln teńge bólinedi

Almaty máslıhaty sırek kezdesetin naýqastardy emdeýge bıýdjetten qosymsha 130 mln teńge bólý týraly sheshim shyǵardy. Atalǵan másele máslıhattyń 36 sessııasynda kóterildi, dep habarlaıdy QazAqparat tilshisi.

«Sırek kezdesetin aýrýǵa shaldyqqan almatylyqtarǵa qajetti dári satyp alýǵa qosymsha qarajat bólý týraly usynys aıtyldy. Buǵan jyl basynan beri mýkovısıdoz jáne sal aýrýyna shaldyqqan 1357 adamǵa 1 mlrd 42 mln teńgeniń dárisi satylyp alyndy. Endi máslıhatqa tegin dári beriletin sırek kezdesetin aýrýlardyń sanyn arttyrý týraly usynys aıtyp jatyrmyn. Metastatıkalyq melanoma, júıeli qyzyl jegi, sozylmaly lımfoleıkoz, skleroz dertterimen aýyratyn adamdardy emdeýge qosymsha 130 mln teńge bólindi», - dedi qalalyq Densaýlyq saqtaý basqarmasy basshysynyń orynbasary Nurjan Isabekov.

Atalǵan syrqattardy emdeýge qajetti dári tek jergilikti bıýdjet esebinen satylyp alynady.

Máslıhat depýtattary QR DSM bekitken tizimge kirmeı qalǵan naýqastarǵa da materıaldy kómek kerektigin eskerip, qarjy bólý týraly usynysty biraýyzdan qoldady.

Sońǵy jańalyqtar