13 Qyrkúıek 2018, 14:47 1085 0 Qoǵam TURKYSTAN.KZ

TÁKEN ÁLIMQULOVQA ARNALǴAN TÝRNIR

Ótken aptada Ádebıetshiler úıinde Qazaqstan Jazýshylar odaǵy men «Qazaq gazetteri» seriktestigine qarasty «Aqıqat» ulttyq, qoǵamdyq-saıası jýrna­lynyń uıymdastyrýymen qazaqtyń kórnekti jazýshysy Táken Álimqulovtyń 100 jyldyǵyna oraı jýrnalıster ara­synda shahmat týrnıri ótti. Osymen be­sinshi ret uıymdastyrylyp otyrǵan dás­túrli sharaǵa Astana, Almaty jáne Taldyqorǵan qalalarynan kelgen BAQ ókil­deri qatysty. Týrnırge sport sheberi, jekemenshik shahmat mektebiniń basshysy Dáýlet Imanberlınov tórelik etti. Is-sharaǵa Táken Álimqulovtyń otbasy demeýshilik jasady.

Shahmat týrnırin «Qazaq gazetteri» JShS bas dırektorynyń orynbasary Lázzat Noǵaıbaeva quttyqtaý sóz sóılep ashyp, QR Memlekettik syılyǵynyń laýreaty, aqyn Esenǵalı Raýshanov, jazýshynyń jary Esimkúl Bolysbaıqyzy Táken Álimqulovtyń ónegeli ǵumyry men shyǵarmashylyq sheberligi jaıynda estelikter aıtty.

Qyzyqty da tartysty ótken shahmat saıysynyń qorytyndysy boıynsha Nurlan Qumar birinshi oryn alsa, júldeli ekinshi, úshinshi oryndarǵa Zeınel Jekeıuly men Tilek Abdrahymov ıe boldy. Oıynnyń yntalandyrý syılyqtary Danııar Seısenbaev, Ǵabıt Qarabaev jáne ardager qatysýshy Tájibaı Jaqaevqa berildi. Sondaı-aq, Naýryzbaı aýdany «Jas Otan» jastar qanatynyń tóraǵasy Ernar Aıdarov týrnırde belsendilik tanytqan jas jýrnalısterdi alǵys hattarmen marapattady. Sondaı-aq, «Qazaq gazetteri» JShS tarapynan tóreshi Dáýlet Imanberlınovke, týrnırdi uıymdastyrýǵa qosqan úlesi úshin jazýshy Beıbit Sarybaıǵa jáne T.Álimqulovtyń zaıyby Esimkúl Bolysbaıqyzyna alǵys hat tabystalyp, qurmet kórsetildi.

Sońǵy jańalyqtar