11 Qyrkúıek 2018, 16:52 1040 0 Jahan Nazym Toılybaeva

Reseıde eń aýqymdy áskerı jattyǵý bastaldy

Reseıdiń Qıyr Shyǵysynda 11 qyrkúıekte sońǵy birneshe on jyldyqtaǵy eń iri "Vostok-2018" áskerı jattyǵýy bastaldy. Bul týraly Reseı Qorǵanys mınıstrligi habarlady. Bul týraly Ortalyq Azııanyń jańalyqtar qyzmeti habarlady.

17 qyrkúıekke deıin ótetin jattyǵýǵa 300 myńǵa taıaý áskerı qyzmetker, 80 áskerı keme, 36 myń brondy tehnıka jáne myńnan astam ushaq qatysady. Budan ózge, jattyǵýǵa Qytaıdan úsh myńǵa taıaý ásker qatysady. Mundaı iri jattyǵý sońǵy ret SSSR-de 1981 jyly ótip, oǵan Varshava kelisimi elderiniń áskeri qatysqan edi. Ol kezde Batys elderi jattyǵýdy SSSR-diń áskerı áleýetin pash etýi jáne iri operaııaǵa daıyndalýy dep baǵalaǵan.

Qorǵanys mınıstrligi "Vostok-2018" jattyǵýynyń basty maqsaty áskerdi alys qashyqqa ornalastyrý kezinde áskerı basqarý organdarynyń daıyndyq deńgeıin tekserý ekenin aıtady.

NATO buǵan deıin áskerı jattyǵý Reseıdiń "úlken soǵysqa" daıyndalyp jatqanyn aıǵaqtaıtynyn málimdedi.

Vladıvostokta 11-13 qyrkúıek aralyǵynda Shyǵys ekonomıkalyq forýmy ótedi. Oǵan Reseı prezıdenti Vladımır Pýtın qatysady. Kreml buǵan deıin "Vostok-2018" jattyǵýyna Pýtınmen birge shetel basshylary qatyspaıtynyn habarlaǵan.

Sońǵy jańalyqtar