11 Qyrkúıek 2018, 16:33 1194 0 Syrtqy saıasat Nazym Toılybaeva

Kım Chen Yn Donald Tramppen taǵy kezdeskisi keledi

AQSh Soltústik Koreıamen qarym-qatynasqa qatysty qarama-qaıshy eki málimdeme jasady. Aq úıdiń baspasóz hatshysy Sara Sanderstiń habarlaýynsha, prezıdent Donald Tramp Soltústik Koreıa basshysy Kım Chen Ynnen "jańa sammıt ótkizýge qyzyǵýshylyq tanytqan" hat alǵan, dep habarlaıdy  centralasian.org.

AQSh prezıdenti eki el basshylary maýsymda Sıngapýrde alǵash kezdeskennen beri Soltústik Koreıa ıadrolyq qarýsyzdaný baǵytynda naqty áreketter jasamasa da, Aq úı apparatyna joǵary deńgeıdegi kezdesý ótkizýge daıyndyq jumystaryn bastaýǵa pármen berdi.

Al Sanderstiń málimdemesinen birneshe saǵat buryn Tramptyń ulttyq qaýipsizdik boıynsha keńesshisi Djon Bolton AQSh kelissózge ashyq ekenin, biraq Soltústik Koreıa ıadrolyq qarýdan arylý sharalaryn jasamaı otyrǵanyn málimdegen.

Ótken aıda Tramp memlekettik hatshy Maık Pompeonyń Soltústik Koreıaǵa saparyn "strategııalyq dıalogta ilgeri jyljý joǵyn" aıtyp, toqtatyp tastaǵan edi. Alaıda, ótken jeksenbide AQSh prezıdenti Soltústik Koreıanyń qurylǵan kúnine oraı Phenıanda ótken paradta burynǵydaı AQSh-qa jete alatyn ballıstıkalyq zymyrandar kórsetilmegenin oń baǵalaǵan. "Bul óte jaǵymdy belgi. Rahmet, tóraǵa Kım. Biz olardyń qanshalyqty durys emes ekenin barlyǵyna dáleldeımiz. Bir-birin qoldaıtyn eki adamnyń dıalogynan asqan eshnárse joq" dep jazǵan Tramp Twitter-de.

Aq úı sonymen qatar Phenıandaǵy paradta ilingen transparanttardyń kóbi eldiń áskerı áleýetin kúsheıtý emes, ekonomıkalyq damýǵa qatysty bolǵanyn oń áreket dep baǵalaǵan.

Sońǵy jańalyqtar