11 Qyrkúıek 2018, 11:48 1084 0 Ishki saıasat Nazym Toılybaeva

Baqyt Sultanov Astana ákimi bolyp taǵaıyndaldy

Baqyt Sultanov Astana qalasynyń ákimi qyzmetine taǵaıyndaldy, - dep habarlaıdy Tengrinews.kz tilshisi.

"Memleket basshysynyń Jarlyǵymen Baqyt Turlyhanuly Sultanov Astana qalasynyń ákimi qyzmetine taǵaıyndaldy", - delingen Aqordanyń habarlamasynda.

Baqyt Turlyhanuly Sultanov 1971 jyly Almaty qalasynda dúnıege kelgen. Qazaqstan Respýblıkasynyń memleket qaıratkeri. Qazaq ulttyq tehnıkalyq ýnıversıtetin "Robototehnıkalyq keshender jáne júıeler" mamandyǵy boıynsha úzdik bitirgen. 1994-2002 jyldar aralyǵynda Qazaqstan Respýblıkasy Qarjy mınıstrliginde basqarý jumystaryn atqarǵan.

2002 jyldyń qyrkúıeginen bastap 2003 jyldyń maýsymyna deıin QR konomıka jáne bıýdjettik josparlaý mınıstrligi Bıýdjettik saıasat jáne josparlaý departamentiniń dırektory qyzmetin atqardy.

2003 jyldyń maýsymynan bastap 2006 jyldyń aqpanyna deıin konomıka jáne bıýdjettik josparlaý mınıstrliginiń vıe-mınıstri qyzmetine taǵaıyndaldy.

2006 jyldyń aqpanynan - 2007 jyldyń qańtaryna deıin QR Statıstıka agenttiginiń tóraǵasy bolyp qyzmet istedi.

2007 jyldyń qańtarynan bastap Qazaqstan Respýblıkasy qarjy vıe-mınıstri.

2007 jyldyń tamyz aıynan QR konomıka jáne bıýdjettik josparlaý mınıstri.

2010 jyldyń 13 naýryzynan QR Prezıdentiniń kómekshisi boldy.

2012 jylǵy 21 qańtar - 2013 jylǵy 6 qarasha aralyǵynda - QR Prezıdenti Ákimshiligi basshysynyń orynbasary.

2013 jyldyń 6 qarashadan - Qazaqstan Respýblıkasy premer-mınıstriniń orynbasary, QR qarjy mınıstri qyzmetinde boldy.

Úılengen, úsh balasy bar.

Eske sala keteıik, munyń aldynda Astana ákimi qyzmetinde Áset Isekeshev bolǵan edi. Ol ákim qyzmetine 2016 jyldyń maýsymynda taǵaıyndalǵan bolatyn.

Al keshe, 10 qyrkúıekte Áset Isekeshevtiń Prezıdent ákimshiliginiń basshysy bolyp taǵaıyndalǵany habarlandy.

Sońǵy jańalyqtar