7 Qyrkúıek 2018, 11:42 1161 0 Aımaq Nazym Toılybaeva

Astanada qazaq-qytaı bıznes forýmy bastaldy

Elordada qazaq-qytaı bıznes forýmy ótýde. Atalǵan shara «Bir beldeý- bir jol» bastamasynyń bes jyldyǵyna arnalyp otyr. Ony Qytaı basshysy Sı zınpın Qazaqstanǵa jasaǵan sapary kezinde jarııalaǵan bolatyn, dep xabarlaıdy QazAqparat tilshisi.

QR Investıııalar jáne damý mınıstrliginiń Investıııalar jónindegi komıtettiń tóraǵasy Erlan Qaıyrovtyń aıtýynsha, forýmnyń negizgi maqsaty - eki eldiń bıznesmenderi arasynda baılanys ornatý, jańa jobalarǵa jol ashý.

«Sol úshin "V2V" (Business to business) zaly bar. Forýmnan keıin eki eldiń kásipkerleri sol jerde jeke-dara kezdesip, jańa jobalardy talqylaı alady. Negizi, buǵan deıin qolǵa alynǵan jobalar oıdaǵydaı iske asyp jatyr. Osy joly biz jańa jobalardy talqylaımyz», - dedi E.Qaıyrov QazAqparat tilshisine bergen suxbatynda.

Mınıstrliktiń málimetine sáıkes, forýmǵa eki eldiń 400-ge jýyq kásipkeri qatysýda. Búginde Qazaqstan konomıkasyna ınvestıııa quıý jaǵynan Qytaı kóshbasshy memleketterdiń qataryna kiredi. Sońǵy on jylda atalǵan memleket san alýan ınvestıııalyq jobalarǵa 15 mlrd dollardan astam qarjy saldy. Ótken jyly Qazaqstan men Qytaı arasyndaǵy saýda aınalymy 10,5 mlrd dollardan asty.

Sońǵy jańalyqtar