2 Tamyz 2018, 11:49 1237 0 Nur Otan Ásel ÁNÝARBEK

Batystaǵy sátti ótken baıqaý

«Nur Otan» partııasynyń Batys Qazaqstan oblystyq fılıaly «Qazaqstannyń úzdik áleýmettik jobalary» baıqaýynyń oblystyq kezeńiniń jeńimpazdaryn anyqtap, saltanatty túrde marapattady. Baıqaýdyń qorytyndysy boıynsha úzdik dep tanylǵan áleýmettik joba kelesi respýblıkalyq kezeńge joldandy.

2018 jyldyń sáýir aıynda «Qazaqstannyń úzdik áleýmettik jobasy» baıqaýyn ótkizý jónindegi jumys komıssııasy qurylyp, Batys Qazaqstan oblysy boıynsha jumys jospary bekitilgen edi. Búginge deıin óńirde josparǵa saı jumystar atqaryldy.

Bıylǵy «Qazaqstannyń úzdik áleýmettik jobalary» baıqaýy kelesi 5 baǵyt boıynsha úzdik áleýmettik jobalardyń ótinimderin qabyldady: áleýmettik máselelerdi sheshýge aqparattyq járdemdesý, áleýmettik salada volonterlik qozǵalysty damytý, teń múmkindikterdi qamtamasyz etý, múgedekterdi jumysqa ornalastyrýǵa járdemdesý, qıyn ómirlik jaǵdaılardy (adam saýdasynyń qurbandary, turmystyq zorlyq-zombylyq, baspanasyzdyq jáne bas bostandyǵynan aıyrý oryndarynan bosatý jáne t.b.) jeńýge kómektesý.

Arnaıy qurylǵan komıssııanyń qaraýymen iriktelgen 9 jobanyń ishinen úzdik áleýmettik jobalar anyqtalyp, marapattaldy. Konkýrstyń qorytyndysy boıynsha, «Demeý qoǵamy múgedekter qoǵamy» QB basqarmasynyń tóraǵasy Qojaqov Birjannyń «Azamattardy, onyń ishinde múgedekterdi jumysqa ornalastyrýǵa járdemdesý» jobasy 1-oryndy  ıelendi.

Sońǵy jańalyqtar