20 Shilde 2018, 13:52 1456 0 Bilgenge marjan Arman Qudaıbergen

Segiz seriniń shekpeni

Soltústik Qazaqstan oblystyq tarıhı-ólketaný murajaıy baǵa jetpes qundy jádigermen tolyqty. Qazaq halqynyń birtýar azamaty, serilerdiń serisi, ataqty daryn ıesi, ánshi, sazger, aqyn Muhamedqanapııa Shaqshaqovtyń shekpeni tabyldy.

Osyǵan baılanysty qazir mamandar zertteý jumystarymen aınalysyp jatyr. Olardyń aıtýynsha, atalǵan shekpendi 1846 jyly Aǵa sultan bolǵan Erden Sandybaıuly Segiz serige syıǵa tartqan eken. Keıin ýaqyt óte kele, Muhamedqanapııa Bahramuly ony Qaraǵandy oblysyndaǵy óziniń jan joldasy Jıenáli Dosqojaulynyń ıyǵyna jaýypty. Sodan beri onyń urpaǵy qundy dúnıeni kózdiń qarashyǵyndaı saqtap kelgen.

170 jylǵa jýyq ýaqyt ótse de, túıe júninen toqylǵan jádiger qaz qalpynda.

"Bul jádigerdiń quny erekshe. Segiz seriniń ıyǵynda bolǵan, ıisi sińgen dúnıe. Sondyqtan bıyl seriniń 200 jyldyǵyn atap ótý aıasynda bul baǵasy jetpeıtin syılyq deýge bolady" dedi oblystyq tarıhı-ólketaný murajaıynyń qyzmetkeri Ahmetjan Qýantaev.

Sońǵy jańalyqtar