14 Maýsym 2018, 22:52 1329 0 Óner TURKYSTAN.KZ

«SÁLEM SAǴAN, ASTANA!»

Elordanyń 20 jyldyǵyna oraı Qazaqstan Respýblıkasy Mádenıet jáne sport mınıstrliginiń uıymdastyrýymen «Qazaq­stan» Ortalyq konert zalynda Qazaqstannyń Halyq ártisi, QR Memlekettik syılyǵynyń laýreaty Altynbek Qorazbaevtyń «Sálem saǵan, Astana!» konerti joǵary dárejede ótti.

A.Qorazbaıuly «Altyn qorymyzdy» qundy týyndylarmen baıytyp, sonymen qatar tarıhymyzǵa orasan zor ári baǵa jetpes úles qosyp kele jatqan óner qaıratkeri. Ánshi-kompozıtor jas urpaqtyń boıyna ulttyq qundylyqtardy sińirip, nebir dúldúl daryndar men daraboz sańlaqtardyń sheberligin shyńdaǵan. Kómeıinen bal tamǵan oryndaýshy án aıtqanda, tarıhyn qosa aıtyp, tyńdarmandardy ánniń tuńǵıyǵyna jeteleıdi.

Orkestrdiń súıemeldeýimen jandy daýysta ótken «Sálem saǵan, Astana!» konertinde Mádenıet jáne sport mınıstri Arystanbek Muhamedıuly aq tilegin bildirip, Altynbek Qorazbaevqa shapan japty. Qazaq stradasynyń belgili ánshileri – Maqpal Júnisova, Baǵdat Sámedınova, «Mýzart» toby, Toqtar men Beıbit, Jubanysh Jeksenuly, Saıat Medeýov, Qydyráli men Qaraqat, Gúlnur Orazymbetova, Mádına Sadýaqasova, Móldir Áýelbekova, Alma Amanjolova, «Melomen» toby, Ernar Aıdar, Nurbolat Abdýllın, «Aıtumar» toby óner kórsetti.

Elordanyń torqaly toıyn atap ótý Altynbek Qorazbaevtyń keshimen bastalǵan  bul konert astanalyqtar men qala qonaqtary úshin tamasha tartý boldy.

Sońǵy jańalyqtar