8 Maýsym 2018, 14:59 2309 0 Qoǵam Nazym Toılybaeva

Memlekettik qyzmetshilerdiń jalaqysy kóbeıedi

Kelesi jyly Qazaqstanda memlekettik qyzmetshiler jalaqysyn tóleýdiń jańa júıesi engiziledi. Bul týraly Memlekettik qyzmet isteri jáne sybaılas jemqorlyqqa qarsy kúres agenttiginiń tóraǵasy Alık Shpekbaev málim etti, dep habarlaıdy QazAqparat tilshisi.

"Búginde biz eńbekaqy tóleýdiń jańa júıesin aprobaııalap jatyrmyz. Faktorlyq-baldyq shkala negizindegi bul júıe pılottyq organdardaǵy laýazymdyq jalaqyny eki esege deıin kóbeıtýge múmkindik beredi. Kelesi jyly bizdiń bastamamyz, ıaǵnı pılottyq jobamyz aıaqtalady. Sáıkesinshe, Qazaqstannyń barlyq memlekettik qyzmetshileriniń jalaqysy kóbeıedi", - dedi Alık Shpekbaev Astanada memlekettik qyzmetti jetildirýge arnalǵan halyqaralyq konferenııada.

Agenttik tóraǵasy eńbekaqy tóleýdiń jańa talaptary týraly aıta kele, materıaldyq-áleýmettik qamsyzdandyrýdyń sybaılas jemqorlyqty azaıtýǵa septigin tıgizetinin atap ótti.

"Budan bylaı eńbekaqy kólemi jumys sıpatyna jáne kúrdeliligine, tıimdiliktiń naqty kórsetkishterine qol jetkizýge tikeleı baılanysty bolady. Árıne, materıaldyq jáne áleýmettik qamsyzdandyrý sybaılas jemqorlyq deńgeıin tómendetýge yqpal etedi. Osyǵan baılanysty agenttik ortalyq apparattaǵy shtat sanynyń úshten bir bóligin qysqartty, bul arqyly qyzmetkerlerdiń jalaqysyn 60% deıin kóbeıttik", - dep túıindedi sózin Alık Shpekbaev.

Sońǵy jańalyqtar